Kaho Ya Mehdi 5 to 9 Lyrics In Urdu 2012
Kaho Ya Mehdi 5 to 9 Write Up In Urdu
Raz-e-Muqateaat Ka Humraz Aaye Ga.
Quraan Ali Ka Likha Howa Sath Laye Ga.
Shan-e-Nazool Aayaton Ki Khud Bataye Ga.
Maki Se Maki Madni Se Madni Milaye Ga.
Far Far Saheefa Bolay Ga Oss Ki Janab Mein.
Woh Jan Daal De Ga Khuda Ki Kitab Mein.
Ho Ga Imam-e-Waqt Youn Masroof Karzar.
Kandhey Pe Be Niyam Rakhi Ho Gi Zulfiqar.
ALLAH Ho Ga Khud Wali ALLAH Par Nisar.
Talwar Khud Kahey Gi Jarri Waar Waar Waar.
Fehrist Dein Gay Dushman-e-Aal-e-Rasool Ki.
Phir Dekh Kya Karey Gi Saheli Batool Ki.
Tanzeem Rozgar Ka Lazim Jab Aaye Ga.
Tabdiliyan Bashar Ki Woh Fitrat Mein Laye Ga.
Dunya Ko Apna Haq-e-Tasaruf Dikhaye Ga.
Insaan Phir Apni Soch Se Bhi Aagay Jaye Ga.
Khairat Mein Imam Se Paye Ga Mojzaat.
Mati Ka Aadmi Bhi Dikhaye Ga Mojzaat.
Ho Gi Qaza Ke Hath Mein Jeene Ki Jab Umang.
Aa Jaye Ga Har Aik Bashar Zindagi Se Tang.
Ableesiyat Dikhaye Gi Dunya Ko Apna Rang.
Naib Khuda Ka Aa Ke Laray Ga Khuda Ki Jang.
Mit Jaye Ga Badi Ka Nishaan Kainat Se.
Shetan Mara Ja Ga Mehdi Ke Hath Se.
Youn Aas Hai Zahoor Ki Dil Ke Deyar Mein.
:AKBAR: Jo Maut Aa Bhi Gayi Intezar Mein.
Phir Bhi Tarap Rahe Gi Dil-e-Be Qarrar Mein.
Hum Muntazir Rahein Gay Hamesha Mazar Mein.
De Ga Sadaein Jab Bhi Humein Waqt Ka Hussain.
Qabron Se Hum Pukarein Gay Labaik Ya Hussain.
Poet: :Hasnain AKbar:
Manqabat Khowan: :Mir Hasan Mir:
Volume: :Mir Hasan Mir 2012-13:
#KahoYaMehdi
#ManqabatLyrics
#tajpoint
Write Up Kaho Ya Mehdi 5 9 Lyrics In Urdu 2012 Poster Image
