Labaik Keh Ke Aankh Se Yaksar Nikal Pare Lyrics In Urdu 2017
Labaik Keh Ke Aankh Se Yaksar Nikal Pare.
Aanso Faseel-e-Zabt Gira Kar Nikal Pare.
Sansein Ukharti Dekh Ke Khaliq Ke Dein Ki.
Dene osse Hayat Bahatar(72) Nikal Pare.
Jaise Talu Hota Hai Aankhon Se Koi Ashq.
Khaime Se Iss Tarha Ali Akbar Nikal Pare.
Aashoor Apne Piyason Ka Ye Moajza Tu Dekh.
Sehra Mein Doob Kar Lab-e-Kausar Nikal Pare.
Socho Tu Oss Ki Haibat-e-Inkar Ko Zara.
Jis Aik Ke Liye Kayi Lashkar Nikal Pare.
Ran Mein Ali Ke Lal Ko Paband Dekh Kar.
Charon Taraf Se Sare Sitamgar Nikal Pare.
Shaam-e-Ghareeban Youn Hoi Mairaj Ishq Ki.
Naizon Ko Chomne Ke Liye Sar Nikal Pare.
Likhte Howay Salam Ye Aksar Laga Mujhe.
Jaise Mere Khiyal Ke Hoon Par Nikal Pare.
:SAHIL: Warq Pe Main Ne Likha Tha Faqat Hussain.
Mere Qalam Ki Nook Se Gohar Nikal Pare.
Poet: :Irfan Sahil Gujranwala:
#NikalPare
#SalamLyrics
#tajpoint
Labaik Keh Ke Aankh Se Yaksar Nikal Pare Lyrics In Urdu 2017 Write Up Poster Image
