Mere Maula Aao Ke Muddat Hoi Hai Lyrics Urdu 2012

Mere Maula Aao Ke Muddat Hoi Hai Lyrics Urdu 2012

Mere Maula Aao Ke Muddat Hoi Hai.

Nazrein Talash Karti Hain Tum Ko Sheh-e-Zamaan.
Phir De Rahe Hain Sheh Ke Azadar Imtehaan.
Aahein Kahin Pe Nohay Kahin Par Hain Hichkiyaan.
Ujray Hoye Makan Hain Veeran Godiyaan.
Rodad Apne Gham Ki Sunati Hai Kainat.
Aakhri Hussain Bulati Hai Kainat.

Mere Maula Aao Keh Muddat Hoi Hai.
Sitam Zalimo Ke Uthatay Uthatay.
Tere Dushmano Ki Guzarti Hai Maula.
Tere Doston Ko Satatay Satatay.

Guzarti Hai Jaisi Guzarein Gay Maula.
Na Hari Hai Himmat Na Harein Gay Maula.
Sitam Thak Gaya Hai Hoye Kund Khanjar.
Lahu Momino Ka Bahatay Bahatay.

Kahin Noha Matam Kahin Aah-o-Zaari.
Safar Karbala Ka Musalsal Hai Jari.
Jhukay Ja Rahe Hain Zaeefon Ke Kandhey.
Jawano Ke Lashay Uthatay Uthatay.

Laeeno Ne Hum Par Mazalim Woh Dhaye.
Jawaan Saal Lashon Pe Lashay Uthaye.
Chaley Hain Shahadat Ka Sehra Sajay.
Woh Shadi Ka Sehra Sajatay Sajatay.

Jo Behnein Hain Zindah Tu Bhai Nahi Hain.
Hain Maa Baap Baqi Tu Betay Nahi Hain.
Jo Betay Hain Baqi Tu Saya Nahi Hai.
Jigar Kanpta Hai Batatay Batatay.

Gharon Se Chaley They Jo Pursay Ki Khatir.
Woh Marey Gaye Raston Mein Musafir.
Kabhi Jate Jate Jaloos-e-Azza Mein.
Kabhi Mashhad-o-Karbala Jate Jate.

Thi Sughra Ke Lab Par Sada Yeh Duhai.
Chaley Aao Baba Chaley Aao Bhai.
Atakti Hain Seene Mein Ab Meri Sansein.
Tumhein Dair Ho Jaye Na Aate Aate.

Zabaan Se Jo Ki Baat Oss Ne Nibhai.
Piya Thanda Pani Na Saye Mein Aayi.
Zamane Se Uthi Hai Asghar Ki Madar.
Khiyalon Mein Jhola Jholatay Jholatay.

Khuda Janta Hai Woh Kaisa Tha Manzar.
Kalejay Pe Abid Ke Chalte They Khanjar.
Jawani Zaeefi Ke Dar Par Khari Thi.
Sakina Ki Turbat Banatay Banatay.

Musalmaan Ke Qatil Musalmaan Baney Hain.
Makeen Jal Rahe Hain Makaan Jal Rahe Hain.
Mareezan-e-Ghaibat Ko Neend Aa Na Jaye.
Zamane Ke Fitney Sulatay Sulatay.

:TAKALLUM: Ki Our :HAIDERY: Ki Dua Hai.
Har Ik Samt Matam Hai Aah-o-Boka Hai.
Na Aisa Ho Hum Bhi Lehad Mein Yeh Bolein.
Bohat Dair Ki Meharbaan Aate Aate.

Poet: :Haidery, Sibtain Shah:
Poet: :Mir Takallum Mir:
Noha Khuwan: :Mir Hasan Mir:
Noha Volume: :Mir Hasan Mir 2012-13:

#MereMaulaAao
#NohayLyrics
#tajpoint

New Noha Mere Maula Aao Ke Muddat Hoi Hai

Mere Maula Aao Ke Muddat Hoi Hai Lyrics Urdu 2012 Write Up Poster Image

Mere Maula Aao Ke Muddat Hoi Hai Lyrics Urdu 2012

Video Link