Yaad e Sehwan Lyrics In Urdu Mir Sajjad Mir 2020
Yaad e Sehwan
Guzashta Saal Dewano Ke Yeh Parwaz Ke Din They.
Tha Unn Ka Urs Yani Hazrat-e-Shahbaz Ke Din They.
Har Ik Molai Ka Tha Inn Dino Goya Hadaf Sehwan.
Thi Aisi Gaunj Naron Ki Keh Jaisay Ho Najaf Sehwan.
Tha Misal-e-Shama Roza Our Sabhi Parwaney Yakja They.
Ali Ke Lal Ke Dar Par Kayi Moti Ikatha They.
Kahin Matam Kahin Nobat Kahin Majlis Kahin Nohay.
Dhamalon Ki Kahin Aawaz Par Lagtay Hoye Narey.
Magar Iss Saal Aye Mere Khuda Sunsaan Hai Roza.
Nahi Hai Aik Bhi Zair Bohat Veeran Hai Roza.
Jo Dil Mein Raaz They Hum Raaz Ko Apne Bataney They.
Bohat Se Maslay Main Ne Qalandar Ko Sunanay They.
Mera Har Zakhm-e-Dil Unn Ke Shifa Khane Mein Silta Tha.
Hamesha Hosla Mujh Ko Mere Saein Se Milta Tha.
Mere Malik Bata De Ab Shifa Paney Kahan Jaon.
Woh Dar Tu Band Hai Ab Hath Phailanay Kahan Jaon.
Achanak Dil Ki Dharkan Ne Takhayul Mein Khalal Wala.
Achanak Meri Na Umeedi Ko Umeed Mein Badla.
Kaha Dil Ne Keh Har Ik Qalb Pe Qudrat Hai Sehwan Ki.
Issay Dharkan Nahi Samjho Keh Yeh Nobat Hai Sehwan Ki.
Balaon Se Sada Aazad Tha Aazad Hai Sehwan.
Malangon Ke Dilon Mein Aaj Bhi Aabad Hai Sehwan.
Poet and Reciter: :Mir Sajjad Mir:
Manqabat Volume: :Mir Sajjad Mir 2020-21:
#YadeSehwan
#ManqabatLyrics
#tajpoint
Yaad e Sehwan Lyrics In Urdu Mir Sajjad Mir 2020 Write Up Poster Image
