Isteghasa Imam-e-Zamana Lyrics In Urdu and Roman Urdu
استغاثہ امامِ زمانہؑ
Ashk Bas Teri Judai Mein Baha Kartay Hain.
Lamha Lamha Tere Aane Ki Dua Kartay Hain.
Lehza Lehza Teri Furqat Ka Ginna Kartay Hain.
Tujh Ko Maloom Hai Kya Subha-o-Masa Kartay Hain.
Tere Dedar Ko Be Chain Hain Aankhein Maula.
Kab Se Kabay Pe Bicha Rakhi Hain Palkein Maula.
Apni Aawaz Suna Do Tu Koi Baat Banay.
Hum Ko Kabay Se Sada Do Tu Koi Baat Banay.
Apna Dedar Kara Do Tu Koi Baat Banay.
Pardah-e- Gaib Hata Do Tu Koi Baat Banay.
Zulm Our Joor Ki Bunyad Hila Do Maula.
Adal -o- Insaf Ka Paigham Suna Do Maula.
Kashti-e-Nooh Ko Tofaan Se Bachata Hai Khuda.
Nar-e-Namrood Ko Gulzar Banata Hai Khuda.
Our Yaqoob Ko Yousuf Se Milata Hai Khuda.
So Baras Baad Bhi Murday Ko Jalata Hai Khuda.
Jalwah-e-Qudrat Haq Kuch Tu Dikha Do Maula.
Tum Hi Tu Mazhar-e-Aousaf Khuda Ho Maula.
Johar-e-Haider-e-Karrar Dikhao Maula.
Parcham-e-Hazrat-e-Abbas Uthao Maula.
Kashti-e-Deen Bhanwar Mein Hai Bachao Maula.
Ab Tu Har Aik Ki Faryad Hai Aao Maula.
Aao Aye Saqi-e-Kausar Ke Dularay Mehdi.
Muntazir Chahney Walay Hain Tumhare Mehdi.
Loag Kehte Hain Keh Lashkar Abhi Teyar Nahi.
Naam Lewa Hain Magar Sahib-e-Kirdar Nahi.
Roney Walay Tu Hain Par Sheh Ka Azadar Nahi.
Inn Muhibbon Mein Koi Inn Ka Madadgar Nahi.
Main Samjhta Hoon Keh Pabandi-e-Hukam Rab Hai.
Hujjat-e-Waqt Ko Lashkar Ki Zarorat Kab Hai.
Ho Baho Woh Hai Shujat Mein Misal Haider.
Woh Dikhaye Ga Zamane Ko Ali Ke Johar.
Aik Hi Waar Se Kat Jaein Gaye Lakhon Ke Sar.
Phir Se Duhraye Gi Tareekh Mahaz-e-Khaybar.
Kufar Dekhey Ga Yeh Mahool Tu Ghabraye Ga.
Taig Ke Waar Se Pehle Hi Woh Mar Jaye Ga.
Poet: :Abid Kaleem Qom:
Manqabat Khuwan: :Sabeeh Hasan Zaidi:
Manqabat Volume: :Sabeeh Hasan Zaidi
2020-21:
2020-21:
#ManqabatLyrics
#tajpoint
Like TAJPOINT :: Facebook Page :
Subscribe TAJPOINT :: Youtube Channel :
Follow TAJPOINT :: On Twitter :
Visit TAJPOINT :: Official Website :
