Pyar Aisay Tu Yateemo Se Kiya Jata Hai Lyrics 2020
Pyar Aisay Tu Yateemo Se Kiya Jata Hai
Ghar Se Hone Lagay Rukhsat Jo Ali Shair-e-Khuda.
Pyar Bachoon Ko Kiya Hath Saron Par Rakha.
Ashk Aankhon Mein Jo Dekhey Tu Yeh Zainab Ne Kaha.
Pyar Tu Roz Hi Kartay Ho Humein Tum Baba.
Kyun Bhala Aaj Mere Dil Mein Khiyal Aata Hai.
Pyar Aisay Tu Yateemo Se Kiya Jata Hai.
Kya Chupatay Ho Yehi Soch Rahi Hoon Baba.
Aap Ke Hath Ke Saye Mein Pali Hoon Baba.
Ungliyaan Tham Ke Iss Ki Mein Chali Hoon Baba.
Iss Ke Ahsas Ko Pehchan Chuki Hoon Baba.
Iss Ka Ahsas Mujhe Aaj Yeh Batlata Hai.
Dekh Kar Baap Ke Chehray Ki Taraf Hasrat Se.
Haye Baba Se Yeh Zainab Ne Kaha Ro Ro Ke.
Pyar Pehle Bhi Kayi Bar Kiya Hai Tum Ne.
Phir Bhala Aaj Hi Kyun Aankh Se Aanso Nikley.
Mujh Ko Aankhon Mein Tumhari Yeh Nazar Aata Hai.
Dil Hai Be Chain Bohat Aaj Kyun Baba Mera.
Aap Ke Seene Kayi Bar Lagi Hoon Baba.
Aaj Seene Se Lagaya Tu Yeh Main Ne Socha.
Dil Dharkta Hai Bohat Taiz Yeh Mehsos Howa.
Jis Tarha Sochon Yehi Mujh Ko Samajh Aata Hai.
Koi Bhi Baat Na Zainab Se Chupao Baba.
Dil Mein Jo Baat Hai Woh Baat Batao Baba.
Apne Bachoon Se Na Youn Aankhein Churao Baba.
Kuch Suno Meri Tu Kuch Apni Sunao Baba.
Jane Kyun Aaj Bohat Dil Mera Ghabrata Hai.
Shab Thi Ashor Ki Karbal Mein Wohi Manzar Tha.
Chashm-e-Tareekh Batati Hai Keh Main Ne Dekha.
Pyar Ossi Tarha Sakina Ko Sheh-e-Dein Ne Kiya.
Sar Pe Jab Hath Rakha Ro Ke Sakina Ne Kaha.
Kyun Bhala Aaj Mere Dil Mein Khiyal Aata Hai.
Haye :ZEESHAN-o-JOHAR: Ro Ke Sakina Ne Kaha.
Hath Jis Tarha Mere Sar Pe Rakha Hai Baba.
Woh Jo Kofay Mein They Jo Marey Gaye Mere Chacha.
Bint-e-Muslim Ke Bhi Sar Par Tha Rakha Hath Apna.
Jane Kyun Aaj Woh Manzar Mujhe Yaad Aata Hai.
Poet: :Zeeshan Abidi:
Noha Khuwan: :Johar Rizvi:
Composition: :Johar Rizvi:
New Noha 21 Ramzan 2020 1441 Hijri Shahdat Imam Ali(AS)
#PyarAisayTu
#NohayLyrics
#tajpoint
Pyar Aisay Tu Yateemo Se Kiya Jata Hai Lyrics 2020 Write Up Poster Image
