Fazeelat e Abul Fazl Syed Mudassir Mehdi Lyrics In Urdu and Roman Urdu
فضیلتِ ابوالفضلؑ
Iss Fazeelat Se Zamane Mein Hai Yakta Abbas.
Koi Saqa-e-Sakina Nahi Illa Abbas.
Teri Ismat Ka Hai Roshan Yeh Hawala Abbas.
Tujh Ko Hasnain Ki Maa Ne Kaha Beta Abbas.
Roz ALLAH Se Karti Hain Musallay Pe Batool.
Zikar Haider Ka Ya Phir Tazkira Tera Abbas.
Pairhan Beton Ke Mangwaye Jinna Se Jis Ne.
Ossi Zahra Ne Siya Hai Tera Kurta Abbas.
Tu Jo Hai Sani-e-Haider Tu Tera Gehwara.
Sani-e-Fatima Zahra Ne Jholaya Abbas.
Dair Tak Karti Rahein Teri Ziyarat Zainab.
Dekhna Tha Jo Unhein Baba Ka Jalwa Abbas.
Aarzu Hai Keh Ho Ab Jald Zahoor-e-Mehdi.
Hum Azadar Bhi Dekhein Tera Hamla Abbas.
Qibla-e-Ahl-e-Wafa Hai Tera Roza Maula.
Our Teri Zaat Hai Aysar Ka Kaba Abbas.
Tere Hone Se Hai Maqtal Mein Bhi Dharas Unn Ko.
Tujh Se Shabeer Ko Hai Kitna Sahara Abbas.
Phir Zarorat Nahi Rehti Keh Uthay Dast-e-Sawal.
Aik Hi Bar Atta Karta Hai Itna Abbas.
Hashar Tak Gardish-e-Halaat Ke Maron Ke Liye.
Saibaan Hai Tere Parcham Ka Pharera Abbas.
Yeh Teri Madah-o-Sana Tere Fazail Ka Biyaan.
Hai :IRAM: Our :MUDASSIR: Ka Asasa Abbas.
Poet: :Shumaila Iram:
Manqabat Khowan: :Syed Mudassir Mehdi:
Manqabat Volume: :Syed Mudassir Mehdi 2020-21:
Composition: :Molai:
#FazeelateAbulFazl
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
