Khul Gaye Band e Kafan Syed Mudassir Mehdi Lyrics In Urdu 2021
Khul Gaye Band e Kafan Syed Mudassir Mehdi
Khul Gaye Band-e-Kafan Main Tere Qurban Hussain.
Maa Bulati Hai Tujhe Aa Ja Meri Jan Hussain.
Mujh Se Dekhey Nahi Jate Tere Aanso Beta.
Main Tere Sath Hoon Hona Na Pareshan Hussain.
Main Madine Mein Hoon Dafnaya Bhi Jaye Ga Mujhe.
Dasht Mein Be Kafan-o-Be Sar-o-Saman Hussain.
Ya Ali Kofa Ke Logon Ko Batana Ja Kar.
Ban Ke Ik Roz Yahan Aaye Ga Mehman Hussain.
Tum Sakina Ko Akela Na Samjhna Beta.
Maa Teri Sath Chali Jaye Gi Zindan Hussain.
Pasliyaan Toot Gayin Ho Gaye Mohsin Bhi Shaheed.
Nasal-e-Sadaat Ka Pehla Hai Yeh Nuqsan Hussain.
Main Ne Ik Hath Se Manga Hai Khuda Se Abbas.
Ho Ke Be Dast Nibha Jaye Ga Peman Hussain.
Itni Shiddat Se Lagaya Gaya Durrah Mujh Ko.
Mere Zakhmi Hain Sakina Ki Tarha Kan Hussain.
Aag Bhi Laein Gay Darbar Bhi Le Jaein Gay.
Meri Zainab Ko Sataein Gay Musalman Hussain.
Dil Mein Hai Shoq-e-Ziyaraat Bhi :HAIDER: Lekin.
Dil Mein Hai Shoq-e-Ziyaraat :MUDASSIR: Lekin.
Marqad-e-Fatima Zahra Ka Hai Arman Hussain.
Poet: :Kamran Haider:
Noha Khuwan: :Syed Mudassir Mehdi:
Noha Volume: :Syed Mudassir Mehdi 2020-21:
Composition: :Master Syed Mohammad Shah:
#KhulGayeBandeKafan
#NohayLyrics
#tajpoint
Khul Gaye Band e Kafan Syed Mudassir Mehdi Lyrics In Urdu 2021 Write Up Poster Image
