Syeda Zainab Syeda Zainab Mir Hasan Mir Lyrics In Urdu 2003
Syeda Zainab Syeda Zainab Mir Hasan Mir.
Sham Tak Aayi Hai Tu Fatima Jayi Hai Tu Be Rida Zainab.
Sar Zameen-e-Sham Par Tu Ne Ujalay Kar Diye.
Chand Apne Dasht-e-Zulmat Ke Hawalay Kar Diye.
Sani-e-Zahra Hai Tu Haidery Chehra Hai Tu Ba Khuda Zainab.
Tu Pas-e-Sham-e-Ghareebaan Le Ke Ghazi Ka Alam.
Ban Gayi Thi Hazrat-e-Abbas Zahra Ki Qasam.
Reesma Hathoon Mein Thi Har Ghari Aankhon Mein Thi Karbala Zainab.
Taqat-e-Qalb Hasan Ibn-e-Ali Ghazi Ki Jaan.
Tu Phophi Akbar Ki Our Aoun-o-Muhammad Ki Hai Maa.
Le Ke Rab Ke Naam Ko Karbala Our Sham Ko Sar Kiya Zainab.
Syed-e-Sajjad Ki Seena Sapar Ban Kar Chali.
Karbala Se Sham Tak Parhti Hoi Nad-e-Ali.
Yeh Tha Tera Hosla Di Falak Ne Yeh Sada Marhaba Zainab.
Pyasay Bachoon Ko Dilasay Har Qadam Deti Rahi.
Bibiyon Ko Hoslay Bhi Dam Ba Dam Deti Rahi.
Manzar Gham Chak Ne Karbala Ki Khak Ne Khud Kaha Zainab.
Bhai Ka Sar Nook-e-Naiza Par Tera Sar Be Rida.
Har Ghari Taza Sitam Tha Har Ghari Taza Jafa.
Sabar Mein Shabeer Thi Azm-e-Khaybar Geer Thi Ba Haya Zainab.
Lehja-e-Haider Mein Khutba Sham Ke Darbar Mein.
Dhal Gaya Tha Tera Lehja Haidery Talwar Mein.
Har Taraf Kuhram Tha Zalzala Har Gaam Tha Ja Baja Zainab.
Ya Ali Keh Kar Uthi Tu Khud Bhi Haider Ban Gayi.
Jab Jalal Aaya Tu Abbas-e-Dilawar Ban Gayi.
Kanptay They Ashqiya Dam Bakhud Thi Karbala Chup Hawa Zainab.
Woh Tere Bhai Ke Matamdar Jo Beemar Hain.
Aye Meri Bibi Jo Tere Jad Ke Pursa Daar Hain.
Kijiye Unn Par Karam Door Hoon Ranj-o-Alam Ho Shifa Zainab.
Aansoon Se Dastan-e-Karbala Likhti Gayi.
Ya Ali Ya Aeliya Ya Murtaza Kehti Gayi.
Qafila Chalta Raha Hosla Barhta Raha Aap Ka Zainab.
Kar Diya Barbad Takht-e-Sham Ko Ik Aan Mein.
Guftgu Bibi Ne Ki Jab Lehja-e-Quran Mein.
Dad Detey They Ali Marhaba Bolay Nabi Syeda Zainab.
Mushkilein :REHAN: Meri Mushkilon Mein Par Gayin.
Khoof-e-Dunya Khoof-e-Barzakh Khoof-e-Mehshar Bhi Nahi.
Qabar Roshan Ho Gayi Maut Bhi Thi Zindagi Jab Kaha Zainab.
Poet: :Rehan Azmi:
Noha Khuwan: :Mir Hasan Mir:
Noha Volume: :Mir Hasan Mir 2003-04:
#SyedaZainab
#NohayLyrics
#tajpoint
Syeda Zainab Syeda Zainab Mir Hasan Mir Old Noha
Syeda Zainab Syeda Zainab Mir Hasan Mir Lyrics In Urdu 2003 Write Up Poster Image
