Mere Baba Ka Sar Aya Amma Syed Mudassir Mehdi Lyrics In Urdu and Roman Urdu
مرے باباؑ کا سَر آیا اماں
Mujh Se Milne Marey Baba Ka Sar Aaya Amma.
Kash Mil Jaye Rida Ka Koi Tukra Amma.
Mere Galon Ko Kissi Shey Se Chupana Ho Ga.
Neel Rukhsar Ka Mujh Ko Tu Mitana Ho Ga.
Kya Bataon Gi Agar Poch Liya Baba Ne.
Shimar Ne Mara Sakina Ko Tamacha Amma?.
Hashar Tak Lali Nahi Jaye Gi Zindano Se.
Iss Qadar Khon Baha Hai Marey Inn Kano Se.
Baba Pochein Gay Kahan Kho Diye Gohar Tum Ne?.
Mere Baba Ne Diye They Mujhe Tohfa Amma.
Shimar Ka Hath Mere Galon Ne Kaisay Jhaila.
Shiddat-e-Pyas Mein Pani Na Sakina Ko Mila.
Jis Ke Baba Ke Liye Aaya Ho Janat Se Libas.
Dekho Daman Bhi Jalaya Gaya Mera Amma.
Baba Pochein Gay Tera Rang Yeh Peela Kyun Hai?.
Gausht Hadiyon Se Tera Haye Alehdah Kyun Hai?.
Ho Ijazat Tu Main Baba Se Bas Itna Keh Doon.
Baba Se Zyada Pyasi Hai Sakina Amma.
Hont Hain Khushk Zabaan Khushk Gala Khushk Mera.
Khum Kamar, Hath Saharey Pe, Zaeefa Dukhiya.
Aisi Halat Mein Kabhi Dekha Nahi Baba Ne.
Ro Na Dein Dekh Ke Mujh Ko Marey Baba Amma.
Mere Baba Ko Bina Aab-o-Giza Mara Tha.
Kund Chalti Thi Churi Our Gala Sokha Tha.
Gaud Mein Baba Ka Sar Pyar Se Main Rakhon Gi.
Pani Baba Ke Katay Sar Ko Pilana Amma.
Aakhrish Aa Gayi Zindan Mein Rukhsat Ki Ghari.
Gaud Se Sar Jo Gaya Rooh Badan Chor Gayi.
Aisa Lagta Tha Sakina Ne Kaha Ho Jaisay.
Apni Beti Ko Kahin Bhool Na Jana Amma.
Poet: :Kamran Haider:
Noha Khuwan: :Syed Mudassir Mehdi:
Noha Volume: :Syed Mudassir Mehdi 2021-22:
Composition: :Waheed-ul-Hasan Kamliya:
#MereBabaKaSarAyaAmma
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
