Aye Mere Maula Hussain Mir Hasan Mir Lyrics In Urdu and Roman Urdu
اے میرے مولا حُسینؑ
Aye Mere Maula Hussain Aye Mere Aaqa Hussain.
Chal Raha Hai Do Jahan Mein Aap Ka Sikka Hussain.
Kya Garz Hum Ko Zamane Ke Badaltay Roop Se.
Kyun Bhala Ghabraein Hum Zulm-o-Sitam Ki Dhop Se.
Jab Azadaron Ke Sar Par Hai Tera Saya Hussain.
Mani-e-Sabar-o-Raza Aye Sahib-e-Loh-o-Qalam.
Sajdah Gah-e-Aadmiyat Hain Tere Naqsh-e-Qadam.
Tere Dam Se Ho Raha Hai Deen Ka Charcha Hussain.
Khuld Se Milti Hain Ja Kar Jis Ke Rozay Ki Hadein.
Muntazir Rehti Hain Khud Jis Ke Amal Ki Aayatein.
Kaun Hai Tareekh Mein Tere Siwa Aisa Hussain.
Yeh Samandar Yeh Zameen-o-Aasmaan Khiltay Ghulab.
Kehkashan Yeh Chand Taray Yeh Chamakta Aaftab.
Do Jahan Mein Jo Bhi Hai Sab Hai Tera Sadqa Hussain.
Zarrah Zarrah Dasht Ka Mehtab Jis Ne Kar Diya.
Apne Khoon Se Deen Ko Serab Jis Ne Kar Diya.
Tu Hai Woh Konain Mein Seh Roz Ka Pyasa Hussain.
Sab Shaheedon Ne Kiya Teri Shahadat Ko Salam.
Bandagi Karne Lagi Teri Ibadat Ko Salam.
Tu Ne Tapti Rait Par Aisa Kiya Sajdah Hussain.
Sorat-o-Seerat Mein Hai Jo Ho Baho Khair-Al-Nisa.
Jis Ne Palay Akbar-o-Abbas Jaisay Bawafa.
Tu Ne Oss Zainab Ko Apni Gaud Mein Pala Hussain.
Dono Aalam Ki Ibadat Jis Ke Sajday Par Nisar.
Jis Ke Kandhoon Par Hai Kul Tauheed Ka Dar-o-Madar.
Kaun Hai Tere Siwa Iss Shan Ka Banda Hussain.
Zindagi Hotey Hoye Fitrus Tha Marne Ke Qareeb.
Mas Howa Jholay Se Tere Ban Gaya Oss Ka Naseeb.
Jane Kis Kis Ka Maseeha Hai Tera Jhola Hussain.
Kar Diya Inkar Haq Ne Aik Betay Ka Jisay.
Tu Ne Aye Maula Ossi Ko Saat Betay De Diye.
Youn Badal Deta Hai Tu Taqdeer Ka Likha Hussain.
Har Munafiq Ke Liye Chalti Hoi Shamsheer Hoon.
Madah Khuwan-e-Zainab-o-Shabeer Hoon Main :MIR: Hoon.
Iss Liye Dono Jahan Mein Hai Mera Shohrah Hussain.
Poet: :Mir Hasan Mir:
Manqabat Khuwan: :Mir Hasan Mir:
Manqabat Volume: :Mir Hasan Mir 2004-05:
#AyeMereMaulaHussain
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
