Zainab Bibi Ujar Gayi Hai Nadeem Sarwar Lyrics In Urdu 2015

Zainab Bibi Ujar Gayi Hai Nadeem Sarwar Lyrics In Urdu 2015

Zainab Bibi Ujar Gayi Hai Nadeem Sarwar.

Aye Sham-e-Ghareebaan.

Ik Shoor Howa Khana-e-Haider Howa Taraaz.
Namoos-e-Nabi Ka Zar-o-Zewar Howa Taraaz.

Jaltay Hoye Khaimay Hain Yeh Sham-e-Ghareebaan Hai.
Be Goro Kafan Lashay Yeh Sham-e-Ghareebaan Hai.

Al-Atash Al-Atash Kehti Hai Sakina.
ALLAH ALLAH Yeh Shan Nabi Ki.
Ujar Gayi Hai Zainab Bibi.
Veeran Madina, Veeran Madina.

Lo Raakh Hoye Khaimay Ik Shor-e-Qayamat Hai.
Ujari Hai Abhi Zainab Aagaz-e-Musibat Hai.
Pardais Mein Be Pardah Zahra Ki Shabahat Hai.

Yeh Fatima Zahra Ki Haan Ladli Beti Hai.
Ujari Hoi Ik Maa Ki Ujari Hoi Beti Hai.
Nazoon Ki Pali Zainab Ab Khak Pe Bethi Hai.

Abbas Chaley Aao Zainab Ka Yeh Noha Hai.
Be Aas Tera Kunba Sehra Mein Akela Hai.
Zainab Ki Sadaon Se Maidan Larazta Hai.

Koi Na Raha Baqi Shabeer Ke Lashkar Ka.
Halqa Hai Bibiyon Ka Matam Hai Bharay Ghar Ka.
Zainab Ne Liya Pursa Ro Ro Ke Bahatar Ka.

Be Chain Sakina Hai Reh Reh Ke Jo Roti Hai.
De De Ke Sadaein Woh Ammo Ko Bulati Hai.
Zainab Liye Godi Mein Masoma Ko Bethi Hai.

Tanhai Ka Aalam Hai Our Ghoor Andhera Hai.
Zainab Ko Musayab Ke Selab Ne Ghaira Hai.
Ya Shah-e-Najaf Aao Ke Door Sawera Hai.

Maqtal Ke Andherey Mein Barhney Laga Ik Saya.
Ujari Hoi Zainab Ka Dil Seene Mein Ghabraya.
Zainab Ne Bohat Roka Lekin Woh Barha Aaya.
Shehzadi Ne Kya Dekha Yeh Tu Hai Mera Baba.
Beti Ko Kalejay Se Haider Ne Jo Liptaya.
Noha Lab-e-Zainab Par Be Sakhta Yeh Aaya.

Ghar Lut Gaya Aye Baba Dekho Meri Tanhai.
Na Gaud Mein Bachay Hain Na Sar Pe Raha Bhai.
Chadar Na Bacha Payi Main Ro Bhi Nahi Payi.

Zainab Ke Tarapney Par Maqtal Mein Qayamat Thi.
Yeh Soch Ke Rotay Hain :REHAN: Bhi :SARWAR: Bhi.
Kya Guzri Thi Zainab Par Jab Sham-e-Alam Aayi.

Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 2014-15:

#ZainabBibiUjarGayiHai
#NohayLyrics
#tajpoint

Zainab Bibi Ujar Gayi Hai Nadeem Sarwar

Zainab Bibi Ujar Gayi Hai Nadeem Sarwar Lyrics In Urdu 2015 Write Up Poster Image

Zainab Bibi Ujar Gayi Hai Nadeem Sarwar Lyrics In Urdu 2015

Video Link