Qaid Khaney Main Nadeem Sarwar Lyrics In Urdu and Roman Urdu
قید خانے مِیں تلاطم ہے کہ ہند آتی ہے
Qaid Khane Mein Talatum Hai Keh Hind Aati Hai.
Dukhtar-e-Fatima Ghairat Se Moyi Jati Hai.
Aasmaan Door Zameen Sakht Kidhar Jaon Main.
Yehi Behtar Hai Keh Dunya Se Guzar Jaon Main.
Bibiyo Mil Ke Dua Mango Keh Mar Jaon Main.
Maut Aati Hi Nahi Jan Khinchi Jati Hai.
Aamad-e-Hind Ka Gul Itrat-e-Shabeer Mein Hai.
Shor-e-Matam Haram-e-Sahib Tatheer Mein Hai.
Kehti Hai Jaon Kahan Paon Tu Zanjeer Mein Hai.
Paon Uthta Hai Tu Zanjeer Lipat Jati Hai.
Tha Idhar BiBi Sakina Se Yeh Zainab Ka Biyaan.
Hind Darbar Se Jab Aaye Gi Soye Zindaan.
Sabar Tum Ko Hai Dikhana Na Uthay Shoor-o-Fogaan.
Haye Yeh Din Bhi Aseeri Tumhein Dikhlati Hai.
Dar-e-Zindaan Pe Howa Itnay Mein Anbho-e-Kamal.
Zan-e-Hakim Ka Hai Zindaan Mein Nazool-o-Ijlal.
Qaidiyo Uth Ke Dua De Ke Karo Istaqbal.
Zoja-e-Hakim-e-Doraan Hai Jo Yeh Aati Hai.
Hind Ne Dekh Keh Randoon Ki Taraf Di Yeh Sada.
Kis Ka Yousuf Hai Yeh Zindaan Mein Giraftar-e-Bala.
Bibiyaan Kis Ki Hain Rakhti Jo Nahi Sar Pe Rida.
Inn Ke Chehron Se Tu Kuch Our Jhalak Aati Hai.
Dekhti Kya Hai Keh Ik Shair Hai Aahan Mein Nihaan.
Lagar-o-Khasta Tan-o-Faqa Kash-o-Tashna Dahan.
Na Tu Chalne Ki Sakat Hai Na Koi Rishta-e-Jaan.
Istakhwano Se Larazne Ki Sada Aati Hai.
Aayi Nazdeek Jo Sajjad Ke Hind-e-Dilgeer.
Boli Woh Kaun Si Esiyaan Ki Mili Yeh Tazeer.
Bolay Daswein Thi Muharram Ki Jo Pehni Zanjeer.
Aaj Taqdeer Bhi Qaidi Humein Kehlati Hai.
Hind Ne Pocha Marz Kya Hai? Kaha Be Padari.
Ghar Jo Daryaft Kiya? Kehne Lagay Darbadari.
Boli Leta Hai Khabar Kon? Kaha Be Khabri.
Jo Khabar Geer They Unn Ko Tu Lehad Bhati Hai.
Baba Sahib Ke Galay Par Jo Na Khanjar Phirta.
Inn Ke Sar Khultay Na Main Kanton Pe Dar Dar Phirta.
Our Madine Ki Tarha Sab Ko Main Le Kar Phirta.
Yaad Hazrat Ko Watan Ki Humein Tarpati Hai.
Hind Ne Naam Madine Ka Jo Abid Se Suna.
Khak Par Baith Gayi Haal Yeh Tageer Howa.
Boli Kya Zainab-o-Kulsoom Se Nisbat Hai Bhala.
Aisay Chehron Se Tu Khushbo-e-Wafa Aati Hai.
Bolein Zainab Keh Na Le Zainab-o-Kulsoom Ke Naam.
Woh Nabi Zadiyaan Hain Qaid Main Unn Ka Kya Kam.
Hind Boli Inhi Baton Main Hai Sab Inn Ka Kalam.
Kyun Meri Rooh Tumhein Dekh Ke Ghabrati Hai.
Jo Bhi Sorat Hai Woh Masoom Nazar Aati Hai.
Qudrat-e-Khaliq Qayum Nazar Aati Hai.
Koi Zainab Koi Kulsoom Nazar Aati Hain.
Unn Se Taqdeer Yeh Kis Haal Main Milwati Hai.
Gird Abid Ke Phiri Phir Woh Bahal-e-Tagiyur.
Bolay Woh Kaun Yeh Chilayi Kaneez-e-Shabeer.
Aslam Aye Rasan-o-Tauq Salasil Ke Aseer.
Noha Parhti Hoi Qadmo Main Giri Jati Hai.
Bas :DABEER: Ab Gham-e-Shabeer Se Larzaan Hai Jigar.
Hind Bhi Mehway Azza Aaj Hoi Nangay Sar.
Qaid Khane Mein Howa Seena Zani Se Mehshar.
Yehi Majlis Hai Jo Khud Marsiya Kehlati Hai.
Poet: :Mirza Salaamat Ali Dabeer:
Noha Khuwan: :Nadeem Sarwar:
Noha Volume: :Nadeem Sarwar 2006-07:
#QaidKhaneyMain
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
