Aakhri Raat Yasir Raza Yasir Lyrics In Urdu 2023
Aakhri Raat Yasir Raza Yasir Lyrics
Gash Hai Tari Lab-e-Mazloom Pe Jari Hai Biyaan.
Mere Ya Rab Mere Khaliq Aye Mere Malik-e-Jaan.
Tera Mazhar Hoon Main Yani Mera Sani Hai Kahan.
Meri Hasti Se Hai Zahir Teri Wahdat Ka Nishaan.
Bawojod Iss Ke Uthata Raha Main Ranj-o-Alam.
Seh Ke Jata Hoon Sitam Rab-e-Kaba Ki Qasam.
Tere Mehboob Ko Pala Hai Mere Baba Ne.
Oss Ko Seene Se Lagaya Hai Mere Baba Ne.
Narga-e-Kufar Ko Dhaya Hai Mere Baba Ne.
Yani Islam Bachaya Hai Mere Baba Ne.
Phir Bhi Kafir Kaha Logon Ne Unhein Haye Sitam.
Seh Ke Jata Hoon Sitam Rab-e-Kaba Ki Qasam.
Aye Khuda Tera Nabi Yani Muhammad Aaqa.
Farsh Ta Arsh Parha Jata Hai Jis Ka Kalma.
Jis Ne Iss Deen Ki Tableeg Mein Kya Kuch Na Kiya.
Phir Bhi Logon Ne Ossay Ajar-e-Risalat Na Diya.
Oss Ki Maiyyat Pe Kiya Sirf Ali Ne Matam.
Seh Ke Jata Hoon Sitam Rab-e-Kaba Ki Qasam.
Bad-e-Sarkar-e-Nabi Zulm-o-Sitam Dhaya Gaya.
Fatima Zahra Ko Darbar Mein Bulawa Gaya.
Our Tehreer-e-Muhammad Ko Bhi Jhutlaya Gaya.
Jalta Dar Fatima Sadiqa Pe Girwaya Gaya.
Ab Tu Bas Dil Mein Mere Pehlu Shikasta Ka Hai Gham.
Seh Ke Jata Hoon Sitam Rab-e-Kaba Ki Qasam.
Meri Nazron Mein Hai Ab Mere Hasan Ka Lasha.
Mujh Ko Aata Hai Nazar Karb-o-Bala Ka Sehra.
Bazu Abbas Ke Shabeer Ka Sar Wawela.
Be Rida Zainab-o-Kulsoom Safar Abid Ka.
Sochta Hoon Tu Mere Seene Mein Ruk Jata Hai Dam.
Seh Ke Jata Hoon Sitam Rab-e-Kaba Ki Qasam.
Khuda Gawah Hai :YASIR: Keh Bas Khuda Ke Siwa.
Koi Samajh Nahi Paya Ali Ki Tanhai.
Hai Dua Tujh Se Khudawand Aye Zaat-e-Bari.
Ta Qayamat Rahe Yeh Nasal-e-Imamat Jari.
Aaye Mushkil Na Kabhi Mere Muhibbon Pe Koi.
Jald Uz Jald Ho ALLAH Zahoor-e-Mehdi.
Ta Keh Woh Dushman-e-Ajdad Ke Sar Kar De Qalam.
Seh Ke Jata Hoon Sitam Rab-e-Kaba Ki Qasam.
Poet: :Yasir Raza Yasir:
Noha Khuwan: :Yasir Raza Yasir:
Noha Khuwan: :Yasir Raza Yasir 2022-23:
Composition: :Yasir Raza Yasir:
#AakhriRaat
#NohayLyrics
#tajpoint
Aakhri Raat Yasir Raza Yasir Lyrics In Urdu
Aakhri Raat Yasir Raza Yasir Lyrics In Urdu 2023 Write Up Poster Image
