Abjad Our Aadad Barabar Nikle Hain Lyrics 2024
Abjad Our Aadad Barabar Nikle Hain Hasnain Akbar
Behtar Ke Maiyar Bahatar Nikley Hain.
Ran Mein Zindah Sirf Bahatar Nikley Hain.
Baqi Ke Nu Lakh Tu Pathar Nikley Hain.
Jitnay Bhi Tareekh Mein Lashkar Nikley Hain.
Jurat Mein Be Sheer Se Kamtar Nikley Hain.
Pas Manzar Se Lakhon Manzar Nikley Hain.
Ik Chulo Se Saat Samandar Nikley Hain.
Jitnay Hain Quran Mein Naam Malaik Ke.
Sab Zahra Ke Nokar Chakar Nikley Hain.
Mere Sath Najaf Jo Sail Pohanchay They.
Unn Mein Se Do Chaar Payamber Nikley Hain.
Pal Mein Kaisay Zoaf Badan Ka Theek Howa.
Kis Ki Chadar Orh Payamber Nikley Hain.
Dast-e-Nabi Pe Pora Kalma Paish Kiya.
Sheikh Se Achay Tu Woh Kankar Nikley Hain.
Ishq-e-Ali Ke Loag Kahin Bhi Dafan Hoye.
Jagay Tu Kabay Ke Andar Nikley Hain.
Ya Rab Kaisay Hath Milaney Mehdi Se.
Tere Ghar Se Malik-e-Ashtar Nikley Hain.
Hajj Karne Aaye They Khaliq Ke Ghar Mein.
Ghar Se Ali Ka Kalma Parh Kar Nikley Hain.
Aye Jibreel Amanat Apni Le Jao.
Khaybar Ki Mati Se Kuch Par Nikley Hain.
Ahl-e-Azza Se Munh Ko Chupaney Walo Kya.
Hum Hathoon Mein Sheesha Le Kar Nikley Hain.
Apne Gharon Mein Loag Rahein Hum Ahl-e-Azza.
Matam Karne Ghar Se Bahir Nikley Hain.
Woh Kirdar Ki Batein Karna Kya Janein.
Jo Firqay Talwar Ke Dam Par Nikley Hain.
Ik Be Sheer Ki Aamad Pe Nu Lakh Ka Haal.
Jaisay Ran Mein Chodah Haider Nikley Hain.
Shukar Ke Zail Mein Aaye Hain Ran Mein Akbar.
Sabar Ke Baab Mein Hanstay Asghar Nikley Hain.
Manfi Baat Bhi Musbat Hoti Hai :AKBAR:.
Aaj Naye Jo Fitrus Ke Par Nikley Hain.
Poet: :Hasnain Akbar:
#NikleHain
#ManqabatLyrics
#tajpoint
Abjad Our Aadad Barabar Nikle Hain Lyrics 2024 Write Up Poster Image
