Ansu Na Bahao Zainab Qamar Baltistani Lyrics In Urdu
آنسو نہ بہاؤ زینبؑ
Haider e Karrar Kufay Main Haider Rizvi Lyrics In Urdu
Ponch Kar Ashk Yeh Zainab Ke Kaha Maula Ne.
Mere Hotey Hoye Aanso Na Bahao Zainab.
Iss Tarha Ro Ke Na Baba Ko Rulao Zainab.
Mere Hotey Hoye Aanso Na Bahao Zainab.
Zakhm Talwar Ka Baba Tera Seh Jaye Ga.
Tera Rona Tera Baba Nahi Seh Paye Ga.
Apne Baba Ki Na Takleef Barhao Zainab.
Mere Abbas Ke Roney Ki Sada Aati Hai.
Hichkiyaan Sun Ke Meri Rooh Tarap Jati Hai.
Jao Abbas Ko Seene Se Lagao Zainab.
Sabar Kartay Hoye Har Dard Se Larna Hoga.
Tujh Ko Maiyar-e-Imamat Pe Utarna Hoga.
Apne Baba Ki Tarha Ban Ke Dikhao Zainab.
Karbala, Kofa Ho Ya Sham Ka Aik Rasta Beti.
Har Qadam Sath Rahe Ga Tera Baba Beti.
Khof Tanhai Ka Dil Mein Na Basao Zainab.
Tujh Ko Kehte They Nabi Sani-e-Zahra Beti.
Iss Liye Yeh Bhi Hai Ab Tera Wazeefa Beti.
Tum Har Ik Shar Se Imamat Ko Bachao Zainab.
:Shams: Rotay Hoye Maula Ne Yehi Khuwaish Ki.
Meri Janib Se Koi Shama Jalana Beti.
Jab Bhi Zahra Ki Lehad Par Kabhi Jao Zainab.
Poet: :Shams Baltistani:
Noha Khuwan: :Qamar Baltistani:
Noha Volume: :Qamar Baltistani 2023-24:
#AnsuNaBahaoZainab
#NohayLyrics
#tajpoint
