Yaad e Karbala Syed Mudassir Mehdi Lyrics 2020

Yaad e Karbala Syed Mudassir Mehdi Lyrics 2020

Yaad e Karbala Syed Mudassir Mehdi.

Sakoon-e-Qalb Kuch Nahi Siwaye Yaad-e-Karbala.
Ghulam-e-Shah-e-Deen Ko Rulaye Yaad-e-Karbala.

Tarap Raha Hai Kis Qadar Zyarat-e-Hussain Ko.
Dil-e-Hazeen Ko Cheer Kar Dikhaye Yaad-e-Karbala?.

Yeh Ishq Ka Usool Hai Keh Ikhteyar Na Rahe.
Main Waqf Kar Diya Gaya Bara-e-Yaad-e-Karbala.

Woh Din Hoon Arbaeen Ke Main Karbala Se Door Hoon.
Yeh Soch Kar Baras Pari Ghataye Yaad-e-Karbala.

Fiza Mein Be Yaqeeniyan Dilon Mein Izterab Hai.
Yeh Kis Tarha Ki Chal Pari Hawa-e-Yaad-e-Karbala.

Kahin Sagheer Ka Gala Chida Howa Hai Teer Se.
Kahin Pe Seena e Jawan Haye Yaad-e-Karbala.

Woh Dhondti Hai Qaid Mein Bhi Seena Apne Baap Ka.
Hussain Ki Yateem Ko Sataye Yaad-e-Karbala.

Koi Bhi Zakhm Aap Ka Sila Nahi Bhara Nahi.
Lahu Imam-e-Waqt Ko Rulaye Yaad-e-Karbala.

Imam Ke Zahoor Ki Naveed Bhi Sunai De.
Boland Iss Qadar Karo Sada-e-Yaad-e-Karbala.

Aye Badshah e Deen Dekh :HAIDER: E Hazen Ko.
Bilak Bilak Ke Ro Paray Jab Aaye Yaad-e-Karbala.

Poet: :Kamran Haider:
Noha Khuwan: :Syed Mudassir Mehdi:
Noha Volume: :Syed Mudassir Mehdi 2020-21:
Composition: :Syed Mudassir Mehdi:

#YaadeKarbala
#NohayLyrics
#tajpoint

Yaad e Karbala Syed Mudassir Mehdi Lyrics 2020 Write Up Poster Image

Video Link