Mehrab Mein Khoon Behta Hai Ahmad Ke Wasi Ka Lyrics Urdu 2025
Mehrab Mein Khoon Behta Hai Ahmad Ke Wasi Ka.
Mehrab Mein Khoon Behta Hai Ahmad Ke Wasi Ka, Konain Mein Ik Shoor Hai Bas Haye Ali Ka.
Jibreel Yeh Detey Hain Sada Arz-o-Sama Mein, Kuch Din Ke Hain Mehman Ali Dar-e-Fana Mein.
Be Jurm-o-Khata Syed Abrar Ko Mara, Konain Mein Ik Shoor Hai Bas Haye Ali Ka.
Rangeen Khoon Se Aaj Imam-e-Do Sara Hai, Our Masjid Kofa Mein Ajab Hashar Bapa Hai.
Rotay Hain Namazi Wa Aliya Ki Hai Sada, Konain Mein Ik Shoor Hai Bas Haye Ali Ka.
Ik Bad Nasal Ne Dein Ka Satoon Dhaya Diya Hai Aaj, Bidat Ka Hai, Aagaz Khawarij Ka Howa Raaj.
Ummat Ne Kardi Ajar-e-Risalat Ki Ibtida, Konain Mein Ik Shoor Hai Bas Haye Ali Ka.
Hasnain Ne Baba Ko Ajab Haal Mein Dekha, Chehra Lahu Se Tar, Sar-e-Aqdas Hai Do Parah.
Dil Shiddat Gham Se Phata Munh Ko Jigar Aaya, Konain Mein Ik Shoor Hai Bas Haye Ali Ka.
Seena Koi Peetay Koi Sar Peet Raha Hai, Har Simt Bapa Giriya-o-Matam Ki Sada Hai.
Ik Our Qayamat Hoi Bar Khana-e-Zahra, Konain Mein Ik Shoor Hai Bas Haye Ali Ka.
Jarrah Ne Jab Zakhm Ajal Kheiz Ko Dekha, Sar Peet Ke Bola Keh Zehar Kam Kar Chuka.
Ab Chand Saaton Ke Hain Mehmaan Sheh Batha, Konain Mein Ik Shoor Hai Bas Haye Ali Ka.
Sun Kar Yeh Sukhan Zabt Ka Yara Na Reh Saka, Zainab Ne Khud Ko Baap Ke Qadmo Pe Giraya.
Matam Kuna Thi Aal Ali e Asad Ullah, Konain Mein Ik Shoor Hai Bas Haye Ali Ka.
Hazrat Ne Sunay Zainab-o-Kulsoom Ke Nalay, Gash Se Hoye Bedar Basad Yaas Yeh Bolay.
Giriya Tujhe Karna Hai Bohat Aye Meri Dukhiya, Konain Mein Ik Shoor Hai Bas Haye Ali Ka.
Shabbar Se Kaha Aal Nabi Tere Hawalay, Ab Tum Ho Imam-e-Do Jahan Baad Hamarey.
Har Amar-e-Elahi Pe Tumhein Sabar Hai Karna, Konain Mein Ik Shoor Hai Bas Haye Ali Ka.
Phir Zainab-o-Shabir Ko Pas Apne Bolaya, Dono Ka Chehra Dekh Ke Kartay Rahe Giriya.
Manzar Tha Nigahon Mein Ayyaan Karb-o-Bala Ka, Konain Mein Ik Shoor Hai Bas Haye Ali Ka.
Abbas Se Bolay Keh Yahan Aao Main Wari, Shano Ke Liye Bosay Basad Gham Kayi Bari.
Farmaya Hai Shabbir Tera Aaj Se Aaqa, Konain Mein Ik Shoor Hai Bas Haye Ali Ka.
Ikeeswin Ki Subha Qayamat Jo Thi Aayi, Zahra Ke Gharanay Ke Liye Layi Tabahi.
Hasnain Ke Kandhoon Pe Tha Baba Ka Janaza, Konain Mein Ik Shoor Hai Bas Haye Ali Ka.
Giriya Kuna Hain Masjid Kofa Ki Fizaein, Ab Koi Nahi De Ga Saloni Ki Sadaein.
Dunya Se Safar Hai Yeh :NAJAM: Haq Ke Wali Ka, Konain Mein Ik Shoor Hai Bas Haye Ali Ka.
Poet: :Arsalan Rizvi Najam:
#MehrabMeinKhoonBehtaHai
#NohayLyrics
#tajpoint
New Noha 21 Ramzan Mehrab Mein Khoon Behta Hai Ahmad Ke Wasi Ka Lyrics
Mehrab Mein Khoon Behta Hai Ahmad Ke Wasi Ka Lyrics Urdu 2025 Write Up Poster Image
