Dariya Hai Abbas Ka Mir Sajjad Mir Lyrics Urdu 2025

Dariya Hai Abbas Ka Mir Sajjad Mir.

Abbas Alamdar, Alamdar-e-Hussaini.
Hat Jao Shamiyo, Hat Jao Kofiyo.
Main Ibn-e-Murtaza Hoon Mera Naam Hai Abbas.

Sahil Pe Aamad-e-Khalf e Abu Turab Hai.
Dehshat Se Mauj Mauj Ka Dil Aab Aab Hai.
Kis Qehar Ka Jalal Ghazab Ka Itab Hai.
Geeti Ko Zalzala Hai Keh Mati Kharab Hai.
Rooh Al Ameen Ko Khof Se Waswaas Aate Hain.
Waswaas Kyun Na Aaein Keh Abbas Aate Hain.

Yeh Darya Hai Abbas Ka, Yeh Darya Hai Abbas Ka.
Khud Pani Sadaein Deta Hai Har Qatra Hai Abbas Ka.

Bhatkay Na Koi Ab Sahil Par Yeh Sara Ilaqa Hai Mera.
Aye Ghasib-e-Haq-e-Zahra Suno Yeh Pani Mehar Hai Zahra Ka.
Main Tesra Beta Hoon Unn Ka Yeh Wirsa Hai Abbas Ka.

Aye Shamiyon Tum Mein Hai Hi Nahi Abbas Se Larney Ki Himmat.
Iss Darya Mein Hi Doob Maro Baqi Hai Agar Thori Ghairat.
Atharah Lakh Nigahon Mein Kyun Khatrah Hai Abbas Ka.

Narah Kiya Woh Rokney Walay Kahan Gaye.
Taigein Woh Kis Taraf Hain Woh Bhalay Kahan Gaye.
Le Kar Khat-e-Shikast Risalay Kahan Gaye.
Shimar-o-Umar Ki Gaud Ke Palay Kahan Gaye.
Zindah Abhi Hai Ya Pisar-e-Sad Mar Gaya.
Khali Para Hai Dasht Yeh Kholi Kidhar Gaya.

Sheh Aap Kahin Main Hakim Ko Oss Ke Hi Mehal Mein Maron Ga.
Aye Shamiyon Sham Se Pehle Main Iss Sham Pe Qabza Kar Loon Ga.
Yeh Baat Nahi Afsano Ki Yeh Dawa Hai Abbas Ka.

Abbas Itaat Mein Har Dam Paband Hai Apne Aaqa Ka.
Pehle Jo Hata Tha Darya Se Woh Hukam Tha Mere Aaqa Ka.
Ab Hatna Paray Ga Tum Sab Ko Yeh Rasta Hai Abbas Ka.

Oh Shimar Apni Foaj Ka Andhair Dekh Le.
Ik Dam Mein Bismilon Ke Hoye Dhair Dekh Le.
Bhagay Hain Jis Se Shair Woh Shamshair Dekh Le.
Oh Be Khabar Tarai Pe Hai Shair Dekh Le.
Lartay Hain Youn Hizbar Jo Aate Hain Baat Par.
Ab Hashar Tak Hai Shair Ka Qabza Furat Par.

Talwar Tu Bahir Aane Do Tum Sab Ki Main Jurat Dekhon Ga.
Haan Kis Ka Hai Darya Sahil Par Jis Dam Main Aa Kar Pochon Ga.
Khud Thori Dair Mein Bolo Gay Abbas Ka Hai Abbas Ka.

Main Khul Ke Agar Hamla Kar Doon Ho Khon Ka Darya, Darya Mein.
Main Taig Yahan Par Khainchon Ga Our Shoor Uthay Ga Kofa Mein.
Muslim Se Kahin Gay Baba Bhi Yeh Hamla Hai Abbas Ka.

Naqay Se Giraya Hai Khud Ko Yeh Keh Ke Ali Ki Beti Ne.
Kulsoom Se Boli Lagta Hai Abbas Khara Hai Pehle Se.
Yeh Khushbo Hai Chotay Bhai Ki Yeh Saya Hai Abbas Ka.

:SAJJAD: Kaha Oss Ne Ro Kar Aye Jan Meri Qasim Utho.
Shehzaday Abhi Tak Pyasay Ho Ammo Ki Qasam Pani Pe Lo.
Serab Ho Jee Bhar Ke Beta Ab Qabza Hai Abbas Ka.

Poet: :Mir Sajjad Mir:
Noha Khuwan: :Mir Sajjad Mir:
Noha Volume: :Mir Sajjad Mir 2025-26:
Composition: :Mir Sajjad Mir:

#DariyaAbbasKa
#NohayLyrics
#tajpoint

Hazrat Abbas Noha 2025 Dariya Hai Abbas Ka Mir Sajjad Mir

New Noha 2025 Dariya Hai Abbas Ka Mir Sajjad Mir

Mola Ghazi Abbas Noha Dariya Hai Abbas Ka Mir Sajjad Mir

Dariya Hai Abbas Ka Mir Sajjad Mir Lyrics Urdu 2025