Dil Chota Mat Karo Wo Bulain Ge Karbala Mir Jawad Mir Lyrics Urdu 2025
Dil Chota Mat Karo Wo Bulain Ge Karbala Mir Jawad Mir.
Dil Chota Mat Karo Woh Bulaein Gay Karbala.
Maula Hussain Sab Ko Dikhaein Gay Karbala.
Sun Kar Areeza Ghazi Ne Paigham Hai Diya.
Maula Hussain Sab Ko Dikhaein Gay Karbala.
Fehrist Mujh Se Mang Rahe They Mere Imam.
Likhwa Diye Hain Maula Ko Tum Sab Ke Main Ne Naam.
Baqi Hai Bas Batool Ki Beti Ka Faisla.
Aankhein Tumhari Sach Hai Ke Pur Aab Hain Bohat.
Woh Khud Bhi Tum Se Milney Ko Betab Hain Bohat.
Ik Bar Dekho Dil Se Tu De Kar Unhein Sada.
Ghafil Nahi Kissi Se Bhi Ibn e Abu Turab.
Misal-e-Mujab Aaye Ga Har Aik Ka Jawab.
Labaik Ya Hussain Ki Detey Raho Sada.
Jo Reh Gaya Watan Mein Ossay Kehna Gham Na Kar.
Khud Pursa Lainay Aaein Gay Shabbir Tere Ghar.
Bas Shah Se Zyarat-e-Ashor Mangna.
Kehna Tum Oss Se Jis Ne Wasail Ka Tha Kaha.
Tera Tu Rizq Shah Ne Kab Ka Barha Diya.
Le Aaye Apne Bachoon Ko Iss Saal Karbala.
Farzand-e-Fatima Ki Bari Bargah Hai.
Akbar Ke Baba Jan Ki Sab Par Nigah Hai.
Kab Hain Wahan Pe Farq Ameer-o-Ghareeb Ka.
Karb-o-Bala Jo La Na Saka Waldain Ko.
Woh Janta Nahi Abhi Aaqa Hussain Ko.
Rozay Pe Unn Ke Aaye Bina Mar Gaye Tu Kya.
Jo Matami Jawan Hain Akbar Ke Pursa Daar.
Unn Sab Ka Khas Rehta Hai Maula Ko Intezar.
Mango Jawano Wasta De Kar Jawan Ka.
Paison Se Kaun Kehta Hai Jate Hain Karbala.
Aata Hai Bas Woh Jis Ko Bulatay Hain Karbala.
Jis Jis Ne Bhi Yaqeen Hai Iss Baat Par Rakha.
Nazdeek Jab Hussain Ki Turbat Ke Jao Gay.
Niyyat Karo Sakina Ki Ghurbat Sunao Gay.
Sunney Ko Apni Ladli Beti Ka Marsiya.
Kaisay Biyaan Ho Sughra Ki Halat Ajeeb Thi.
Beemar Apne Ammo Se Aa Kar Lipat Gayi.
Sughra Se Yeh Tasali Mein Abbas Ne Kaha.
Abbas Iss Ki Baat Ka Rakh Lena Tum Bharam.
Tere Bharosay Chalta Hai :SAJJAD: Ka Qalam.
Iss Ne Tu De Diya Hai Zamane Ko Aasra.
Poet: :Mir Sajjad Mir:
Noha Khuwan: :Mir Jawad Mir:
Noha Volume: :Mir Hasan Mir 2025-26:
Composition: :Raza Shah:
#DilChotaMatKaro
#NohayLyrics
#tajpoint
New Noha Dil Chota Mat Karo Wo Bulain Ge Karbala
Dil Chota Mat Karo Wo Bulain Ge Karbala Mir Jawad Mir Lyrics Urdu 2025 Write Up Poster Image
