Khuda e Lam Yazal Se Lam Yazal Par Baat Jari Hai Lyrics Urdu 2024
Khuda e Lam Yazal Se Lam Yazal Par Baat Jari Hai.
Yaqeenan Hamd Bhi Ho Gi Abhi Tu Naat Jari Hai.
Suno Yeh Naat Hai Our Naat Ka Mimber Ghadeeri Hai.
Yahan Do Bhaiyon Par Guftgu Ik Sath Jari Hai.
Wohi Bistar Ki Shiknein Hain Wohi Zanjeer Ki Gardish.
Zamana Ruk Chuka Mairaj Ki Woh Raat Jari Hai.
Khuda Ke Sath Shamil Hai Duroodon Mein Khudai Bhi.
Muhammad Mustafa Ke Naam Ki Sogat Jari Hai.
Zamane Se Zamana Likh Raha Hai Naat-e-Peygamber.
Abu Talib Ke Lafzoon Ki Abhi Khairat Jari Hai.
Khuda Jab Se Hai Tab Se Ahmad-e-Mursal Hain Sajdoon Mein.
Safar Youn Abid-o-Mabood Ka Ik Sath Jari Hai.
Hai Soraj Ke Palatne Chand Ke Do Tukray Hone Se.
Ujala Chand Soraj Ka Jo Yeh Din Raat Jari Hai.
Ruko Aye Katibeen e Hur Abhi Dozakh Nahi Likhna.
Yeh Janat Jin Ki Malkiyat Hai Unn Se Baat Jari Hai.
Dar-e-Aaqa Se Jo Uthnay Nahi Deti Mujhe :AKBAR:.
Khuda Ka Shukar Hai Woh Gardish-e-Halaat Jari Hai.
Poet: :Hasnain Akbar:
#KhudaeLamYazal
#NaatLyrics
#tajpoint
Khuda e Lam Yazal Se Lam Yazal Par Baat Jari Hai Lyrics Urdu 2024 Write Up Poster Image
