Qaim Rahey Ye Majlis O Matam Mir Hasan Mir Lyrics Urdu 2026
Qayam Rahe Yeh Majlis-o-Matam Khuda Karey.
Taza Rahe Dilon Mein Muharram Khuda Karey.
Sehan-e-Haram Mein Ahl-e-Azza Ki Rasai Ho.
Ghaibat Nasheen Ke Hath Se Parcham Kushai Ho.
Lehraye Baam-e-Kaba Pe Parcham Khuda Karey.
Lillah Aansoon Se Na Khali Kabhi Rahein.
Ashk-e-Gham-e-Hussain Se Aankhein Bhari Rahein.
Romal Syeda Ka Rahe Nam Khuda Karey.
Taboot, Zuljana, Alam, Jhola, Taziya.
Inn Par Jo Aytraz Karey Khud Hai Be Wafa.
Apna Rahe Aqeeda Mosallam Khuda Karey.
Matam Daba Na Paye Dhamakon Ki Bhi Sada.
Rukhney Na Paye Majlis-o-Matam Ka Silsila.
Ban Jaein Hum Shaheedon Ke Meharam Khuda Karey.
Har Matami Ke Dil Mein Yeh Arman Hai Basa.
Paidal Najaf Se Jab Ho Safar Arbaeen Ka.
Qayam Ke Sath Sath Chalein Hum Khuda Karey.
Woh Hi Rahe Jo Apne Bazurgon Ka Tha Chalan.
Ik Anjuman Hatay Tu Barhey Aik Anjuman.
Ho Har Jaloos Aisay Munazam Khuda Karey.
Rehta Hai Saal Bhar Kissi Bibi Ko Intezar.
Qasim Ki Mehndi Jaye Jo Le Kar Yeh Pursa Daar.
Matam Se Gonjay Phir Se Mokhiyam Khuda Karey.
Janat Sajaein Pyason Ke Sadqay Zameen Par.
Khuwaish Hai Sab Ki Mokab e Umm Ul-Banin Par.
Khudam e Zaireen Banein Hum Khuda Karey.
Maqtal Mein Jis Ne Khak Pe Ragri Thin Ayeriyaan.
Serab Oss Ki Pyas Ke Sadqay Ho Yeh Jahan.
Batta Rahe Sabeelon Se Zam Zam Khuda Karey.
Dekha Hai Jab Se Mah-e-Azza Dil Hai Be Qarrar.
Sughra Madine Walon Se Kehti Hai Bar Bar.
Ho Khairiyat Se Shah-e-Moazzim Khuda Karey.
Telay Pe Hai Khari Hoi Mazloom Ki Behan.
Khanjar Talay Hussain Ke Lab Par Hai Yeh Sukhan.
Zainab Na Dekhey Naza Ka Aalam Khuda Karey.
Esiyaan Se Hashar Tak Meri Fard-e-Amal Ho Pak.
Har Dam Yehi Dua Hai :TAKALLUM: Yeh Meri Khak.
Khak-e-Dar-e-Hussain Mein Ho Zam Khuda Karey.
Poet: :Mir Takallum Mir:
Noha Khuwan: :Mir Hasan Mir:
Noha Khuwan: :Mir Qasim Mir:
Noha Khuwan: :Mir Jawad Mir:
Noha Volume: :Mir Hasan Mir 2026-27:
Composition: :Raza Shah:
#QaimRaheyYe
#NohayLyrics
#tajpoint
New Noha Qaim Rahey Ye Majlis O Matam Mir Hasan Mir
Qaim Rahey Ye Majlis O Matam Mir Hasan Mir Lyrics Urdu 2026 Write Up Poster Image
