Suno Woh Waqiya Waqay Howa Jo Bad e Hajj.
Hasen Kitna Tha Manzar Bana Jo Bad-e-Hajj.
Nabi Ka Karwaan Yasrab Chala Jo Bad-e-Hajj.
Our Iss Safar Mein Ghadeer Aa Gaya Jo Bad-e-Hajj.
Tu Hukam-e-Rab Howa Sarwar Yahin Pe Ruk Jao.
Khuda Pukara Payamber Yahin Pe Ruk Jao.
Yahin Pe Mimber-e-Palaan Ko Sajana Hai.
Habib Aakhri Khutba Yahin Sunana Hai.
Utarna Hai Woh Ahsan Jo Porana Hai.
Ali Ko Hathoon Pe Tum Ne Yahin Uthana Hai.
Yahin Pe Aya-e-Akmalto Laein Gay Jibreel.
Yehi Jagah Hai Jahan Deen Paye Ga Takmeel.
Suna Jo Hukam-e-Khuda Ruk Gaye Wahin Sarwar.
Sahabiyon Se Mukhatib Hoye Youn Peygamber.
Utar Kar Yeh Kajaway Banao Ik Mimber.
Chaley Gaye Hain Jo Aagay Kaho Unhein Ja Kar.
Ghadeer Aao Keh Hukam-e-Shah e Zamana Hai.
Nabi Ne Aakhri Paigham-e-Rab Sunana Hai.
Jo Laut Aaye Woh Ashab Khum Ke Maidaan Mein.
Tu Unn Ke Toot Gaye Khuwab Khum Ke Maidaan Mein.
Khula Howa Tha Niya Baab Khum Ke Maidaan Mein.
Kharey They Mustafa Betab Khum Ke Maidaan Mein.
Khushi Thi Itni Keh Pholay Nahi Samatay They.
Ali Ko Dulhay Ki Tarha Nabi Sajatay They.
Bana Ke Dulha Ali Ko Utha Ke Hathoon Par.
Charhey Kujawon Ke Mimber Pe Shan Se Sarwar.
Dikha Ke Majma Ko Haider Ka Chehra e Anwar.
Zara Si Bandh Ke Tamheed Bolay Peygamber.
Tamam Khalq-e-Khuda Ka Hoon Main Nabi Maula.
Main Jis Ka Maula Hoon Oss Ka Hai Yeh Ali Maula.
Hoi Yeh Baat Muakamil Tu Aa Gaye Jibreel.
Kaha Salam Aye Aaqa Aye Ibn e Ismail.
Main Le Ke Aaya Hoon Farman-e-Rab Izz-o-Jaleel.
Woh Keh Raha Hai Keh Ab Deein Ki Ho Gayi Takmeel.
Khudai Aap Se Youn Hum Kalam Hoti Hai.
Keh Aaj Khalq Pe Naimat Tamam Hoti Hai.
Phir Oss Hajoom Se Ik Bad Numa Sa Shaks Utha.
Wajood-e-Rijs Pe Lanat Thi Oss Ke Sar Ta Pa.
Riwayaton Mein Hai Keh Naam Oss Ka Haris Tha.
Ishara Kar Ke Ali Ki Taraf Yeh Kehne Laga.
Jo Baat Aap Ne Hum Logon Se Kahi Hai Yeh.
Yeh Sari Iss Ki Muhabbat Hai Ya Wahi Hai Yeh.
Nabi Pukarey Jo Nutaq e Nabi Se Kehta Hoon.
Sab Aashna Hain Woh Hukam-e-Jali Se Kehta Hoon.
Wahi Na Aaye Tu Main Kab Kisi Se Kehta Hoon?.
Khuda Gawah Hai Sab Kuch Wahi Se Kehta Hoon.
Mera Dahan Hi Nahi Hai Yeh Nutaq e Bari Hai.
Jo Mere Munh Mein Zabaan Hai Woh Kirdgari Hai.
Suni Yeh Baat Tu Kehne Laga Agar Youn Hai.
Kaha Hai Tum Ne Jo Aye Mustafa Agar Youn Hai.
Yeh Kuch Nahi Hai Wahi Ke Siwa Agar Youn Hai.
Tumhara Nutaq Hai Nutaq e Khuda Agar Youn Hai.
Tu Phir Khuda Ki Taraf Se Jawab Aa Jaye.
Abhi Abhi Mere Upar Azab Aa Jaye.
Bas Itna Kehna Tha Qehar-e-Khuda Ko Ghaiz Aaya.
Khuda Ne Bugz-e-Ali Ka Natija Dikhlaya.
Zyada Kuch Nahi Ik Sang Oss Pe Barsaya.
Bana Ke Bohs Ossay ALLAH Ne Yeh Farmaya.
Sawal Jaisa Tha Waisa Jawab Bhaij Diya.
Azab Manga Tu Hum Ne Azab Bhaij Diya.
Ossay Jo Bohs Banay Dekha Tu Dar Ke Marey Ab.
Barhey Munafiqeen Haider Ki Simt Sare Ab.
Badal Ke Reh Gaye Maidan Ke Nazarey Ab.
Akar Rahe They Jo Ab Tak Woh Sab Pukarey Ab.
Tum Hi Nabi Ke Khalifa Ho Ya Ali Bakhin.
Keh Aaj Se Tum Hi Maula Ho Ya Ali Bakhin.
Magar Yeh Kya Howa :AHMAD: Keh Bad-e-Peygamber.
Bhula Diya Gaya Paigham-e-Khaliq e Akbar.
Kabhi Saqeefa Kabhi Shora Mein Chunay Mimber.
Ali Ko Chor Ke Yeh Kalma Go Phiray Dar Dar.
Bana Ke Taj Saron Par Saja Liya Bohs Ko.
Jissay Bhi Chaha Khalifa Bana Liya Oss Ko.
Poet: :Ahmad Timsaal:
#Eideghadeer
#ManqabatLyrics
#tajpoint
Suno Woh Waqiya Waqay Howa Jo Bad e Hajj
Eid e Ghadeer Manqabat Suno Woh Waqiya Waqay Howa Jo Bad e Hajj Lyrics
Suno Woh Waqiya Waqay Howa Jo Bad e Hajj Manqabat Ghader
Suno Woh Waqiya Waqay Howa Jo Bad e Hajj Lyrics Urdu 2026 Write Up Poster Image
