Tha Yeh Hussain Ka Noha Yehi Hasan Ki Fogan Lyrics In Urdu 2026

Tha Yeh Hussain Ka Noha Yehi Hasan Ki Fogan.

Khudara Neend Se Jago Utho Utho Amma.

Sanwaro Baloon Ko Amma Libas Badlo Ab.
Kyun Jagti Nahi Ab Tum Hai Kaisi Neend Ajab.
Howa Hai Kya Tumhein Aisa Karo Na Hum Se Biyaan.

Youn Chup Raho Gi Agar Hum Se Kuch Na Bolo Gi.
Kahin Na Jaein Gay Jab Tak Na Aankh Kholo Gi.
Qasam Se Baithay Rahein Gay Tumhare Pas Yahan.

Ajeeb Haal Hai Dekho Tumhare Bin Ghar Ka.
Siwaye Khof Ke Kuch Bhi Nazar Nahi Aata.
Bala Ka Dasht Bana Hai Tumhare Baad Makaan.

Jo Tum Na Ho Gi Tu Amma Kisay Bulaein Gay.
Agar Khafa Ho Tu Keh Do Tumhein Manaein Gay.
Tumhari Jan Pe Amma Nisar Kar Dein Gay Jaan.

Aye Juzway Zaat-e-Payamber Hamari Maa Utho.
Tumhare Dam Se Tu Roshan Hai Yeh Jahan Utho.
Bahar Tum Se Hai, Tum Bin Tu Har Taraf Hai Khizan.

Hasan Ne Aah Bhari Our Lipat Ke Maa Se Kaha.
Mujhe Hai Yaad Jo Zalim Ne Tum Ko Mara Tha.
Hai Meri Nazron Mein Ab Bhi Tamachay Ka Woh Nishaan.

Hussain Barha Lagtay They Maa Ke Seene Se.
Our Apni Aankhon Ko Mal Mal Ke Shah Kehte They.
Aye Meri Maa Yeh Bata Do Keh Chain Paon Kahan.

Batool-e-Azra Ki Maiyyat Ajeeb Maiyyat Thi.
Keh Jis Pe Rooh-e-Payamber Bhi Khon Roti Rahi.
They Khud Bahisht Ke Sardar Iss Pe Noha Kuna.

Lipat Ke Maa Ke Janazay Se Dono Shehzaday.
Tarap Tarap Ke Jo :AHMAD: Woh Bain Kartay They.
Tu Jab Taraptay They Bache Tu Sath Roti Thi Maa.

Poet: :Ahmad Timsaal:

#ThaYehHussain
#NohayLyrics
#tajpoint

New Noha 2026 Tha Yeh Hussain Ka Noha Yehi Hasan Ki Fogan Lyrics

Tha Yeh Hussain Ka Noha Yehi Hasan Ki Fogan Lyrics In Urdu 2026 Write Up Poster Image

Subscribe TAJPOINT :: Youtube Channel :