Jibreel Murtaza Ko Dulha Bana Rahe Hain Lyrics 2006
Jibreel Murtaza Ko Dulha Bana Rahe Hain Mir Hasan Mir.
Noor Phaila Hai Tamana-e-Khadija Ban Kar.
Raat Aayi Hai Naseebon Ka Sawera Ban Kar.
Shab-e-Hijrat Ka Nabi Our Shab-e-Mairaj Ka Rab.
Fatima Aap Ke Ghar Aaya Hai Dulha Ban Kar.
Hai Aaj Fatima Se Maula Ali Ki Shadi.
Jibreel Murtaza Ko Dulha Bana Rahe Hain.
Sab Arsh Farsh Walay Khushiyaan Mana Rahe Hain.
Bad-e-Saba Khushi Mein Itra Ke Chal Rahi Hai.
Tehzeeb Aaj Phir Se Karwat Badal Rahi Hai.
Janat Sajane Walay Dunya Saja Rahe Hain.
Duldul Sawar Maula Paidal Rawaan Dawaan Hai.
Baratiyon Mein Shamil Nabiyon Ka Karwaan Hai.
Karne Ko Khair Muqaddam Sarkar Aa Rahe Hain.
Mehmaan Nawaziyon Mein Hai Mehw Shah-e-Batha.
Khaney Ki Zimma Dari Orhay Hain Umm-e-Salma.
Ilyas-o-Khizar Sab Ko Sharbat Pila Rahe Hain.
Miqdad Hoon Keh Qanbar Salman Hoon Ya Meesum.
Hawa Ho Ya Keh Sarah Fizza Ho Ya Keh Mariyam.
Sehra Ali Wali Ka Sab Mil Ke Ga Rahe Hain.
Qirtas Aasmaan Hai Tooba Ki Shakh Khama.
ALLAH Bhar Raha Hai Khud Hi Nikah Nama.
Imran Our Muhammad Seegay Parha Rahe Hain.
Kitna Haseen Hai Manzar Iss Waqt Rukhsati Ka.
Quran Kar Raha Hai Dulhan Ke Sar Pe Saya.
Salman Our Abuzar Doli Utha Rahe Hain.
Sun Kar :HASAN: Se Shadi :NAYAB: Our :TAKALLUM:.
Dawood Keh Rahe Hain Kya Khoob Hai Taranum.
Yeh Sun Ke Sab Munafiq Bal Khaye Ja Rahe Hain.
Poet: :Mir Takallum Mir:
Poet: :Nayab Hallauri:
Manqabat Khuwan: :Mir Hasan Mir:
Manqabat Volume: :Mir Hasan Mir 2006-07:
#MurtazaKoDulha
#ManqabatLyrics
#tajpoint
Jibreel Murtaza Ko Dulha Bana Rahe Hain Lyrics 2006 Write Up Poster Image
