Mere Imam Bohat Jald Aaney Waley Hain Mehdi Rizvi Lyrics Urdu 2024
Mere Imam Bohat Jald Aaney Waley Hain Mehdi Rizvi.
Maula Ko Khat Mein Likhe Hain Halaat Bar Bar.
Hoti Rahi Hai Aadhi Mulaqaat Bar Bar.
Maula Kab Aaein Gay Main Unhein Kya Jawab Doon.
Atfal Pochtay Hain Sawalaat Bar Bar.
Mere Imam Bohat Jald Aane Walay Hain.
Woh Ab Jahan Ko Gulistaan Bananey Walay Hain.
Batool Dadi Hain Inn Ki Rasool Jad Inn Ke.
Ali Wali Se Hi Miltay Hain Silsilay Sare.
Imam-e-Asar Tu Aounchay Gharanay Walay Hain.
Imam Aa Gaye Ab Ho Ga Shoor Yeh Ghar Ghar.
Hai Kuch Hi Dair Keh Rakhein Gay Unn Ke Paon Mein Sar.
Yeh Jo Arezay Ke Likhney Likhane Walay Hain.
Yehi Tu Rokein Gay Zulm-o-Sitam Ke Tofaan Ko.
Yehi Jagaein Gay Aa Kar Zameer-e-Insaan Ko.
Yehi Tu Jagtay Fitney Solaney Walay Hain.
Hamesha Jin Mein Nazar Aaye Hain Sajod-o-Qiyam.
Keh Jin Mein Dekha Hai Har Bar Hi Zahoor-e-Imam.
Mere Woh Khuwab Bhi Tabeer Paney Walay Hain.
Khuda Se Milney Hi Wali Hai Ab Ijazat Bhi.
Woh Ab Dikhaney Hi Walay Hain Apni Qowat Bhi.
Woh Jald Taig Ke Johar Dikhaney Walay Hain.
Inhi Ka Saya Hai Hum Sab Pe Qayam-o-Daim.
Hai Koi Khof Tu Aa Jao Janib-e-Qayam.
Keh Yeh Hi Zulm-o-Sitam Se Bachney Walay Hain.
Yaqeen Hai Mujh Ko Ab Aa Jaye Ga Mera Maula.
Na Rook Paye Ga Zalim Koi Bhi Dunya Ka.
Hain Inn Ke Sath Hi Abbas Aane Walay Hain.
Hain Yeh Jo Ain Mutabiq Mere Aqeeday Ke.
Yeh Teer Hain Mere Tarkash Mein Jo Tabarey Ke.
Yehi Tu Apne Hadaf Par Nishane Walay Hain.
Bas Ab Tu Jald Hi :IZHAR: Shoq-e-Midhat Se.
Imam-e-Waqt Ke Darbar Mein Aqeedat Se.
Unhi Ki Madah Unhi Ko Sunanay Walay Hain.
Poet: :Ali Izhar:
Manqabat Khuwan: :Syed Mehdi Rizvi:
Manqabat Volum: :Syed Mehdi Rizvi 2023-24:
Composition: :Syed Mehdi Rizvi:
#MereImam
#ManqabatLyrics
#tajpoint
New Manqabat Mere Imam Bohat Jald Aaney Waley Hain Mehdi Rizvi
Mere Imam Bohat Jald Aaney Waley Hain Mehdi Rizvi Lyrics Urdu 2024 Write Up Poster Image
