Mola Hussain Hai Mir Hasan Mir Lyrics In Urdu and Roman Urdu
مولاؑ حُسینؑ ہے
Khallaq-e-Karbala Maula Hussain Hai.
Banda Khuda Numa Maula Hussain Hai.
Iss Ki Zidein Bhi Rab-e-Olla Ko Azeez Hain.
Sardariyaan Hain Jitni Sab Iss Ki Kaneez Hain.
Farzand-e-Syeda Maula Hussain Hai.
Rehti Hain Jis Ke Saye Mein Sari Qiyadatein.
Chaltin Hain Jis Ke Naqsh-e-Qadam Par Hidayatein.
Ik Aisa Rehnuma Maula Hussain Hai.
Jis Ki Ibadaton Pe Hai Khud Kibriya Ko Naaz.
Jis Ki Namaz Parhti Hai Sham-o-Sahar Namaz.
Woh Banda-e-Khuda Maula Hussain Hai.
Jis Ne Bhujhay Charag Se Roshan Kiye Diye.
Batil Ki Jis Ne Rasi Bhi Bal Bhi Jala Deiye.
Oss Sham Ka Diya Maula Hussain Hai.
Dasht-e-Bala Mein Khuld Ke Manzar Pe Naaz Kar.
Apne Naseeb Apne Muqadar Pe Naaz Kar.
Hur Maizbaan Tera Maula Hussain Hai.
Ho Nazam-e-Do Jahan Ke Mashiyat Ki Dekh Bhal.
Chahe Baqa-e-Deen-e-Muhammad Ka Ho Sawal.
Har Dard Ki Dawa Maula Hussain Hai.
Darya Pe Jis Ki Tashna Labi Kar Rahi Hai Raaj.
Tofan-e-Nooh Jis Ke Safeney Ko De Khiraaj.
Haan, Haan Woh Na Khuda Maula Hussain Hai.
Karta Hai Chak Zulm Ko Jis Ke Galay Ka Chak.
Jis Ne Shaheed Ho Ke Kiya Kufar Ko Halak.
Bas Aisa Sorma Maula Hussain Hai.
Jhunjla Ke Jab Yeh Pocha Sitamgar Ne Bar Bar.
Kis Ko Hai Tere Dil Pe Hakomat Ka Ikhteyar.
Mukhtar Ne Kaha Maula Hussain Hai.
Oh Dushman-e-Azza Zara Aane Tu De Qaza.
Jate Hi Qabar Mein Tujhey Chal Jaye Ga Pata.
Hum Kya Bataein Kya Maula Hussain Hai.
Mati Mein Mil Chuki Hai Woh Mati Tamam Tar.
Baqi Nahi Yazid Ka Naam-o-Nishaan Magar.
Maula Hussain Tha Maula Hussain Hai.
Jis Mein Makeen Hai Husan-e-Payamber Ki Kulliyat.
Aati Hain Jis Mein Ab Bhi Nazar Rab Ki Kul Sifaat.
:GOHAR: Woh Aaina Maula Hussain Hai.
Poet: :Gohar Jarchvi:
Manqabat Khuwan: :Mir Hasan Mir:
Manqabat Volume: :Mir Hasan Mir 2003-04:
#MolaHussainHai
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
