Yateem Zainab Lyrics In Urdu Mir Ji 2020
Yateem Zainab Lyrics In Urdu Mir Ji
Lipat Ke Maiyyat Se Keh Rahi Hai Ghareeb Dukhiya Yateem Zainab.
Rahe Gi Kaisay Bina Tumharey Aye Mere Baba Yateem Zainab.
Aye Baba Jate Ho Tum Jahan Se Yeh Kofay Walon Se Wadah Le Lo.
Na Marey Koi Bhi Iss Ko Pathar Jab Aaye Kofa Yateem Zainab.
Mujhe Galay Se Laga Lo Baba Kafan Mein Apne Chupa Lo Baba.
Tumharey Pehlu Mein Hi Rahe Gi Yeh Be Sahara Yateem Zainab.
Sadaein Amma Ki Aa Rahi Hain Wida Baba Ko Kar De Beti.
Wagarna Jane Na Deti Ghar Se Tera Janaza Yateem Zainab.
Tumhari Beti Ke Dil Pe Baba Abhi Tu Taza Hai Dagh Maa Ka.
Tumhari Furqat Ka Kis Tarha Se Uthaye Sadma Yateem Zainab.
Udhar Hai Kulsoom Mehway Giriya Idhar Taraptay Hain Mere Bhaiyya.
Tere Yateemo Ko Kaisay Baba Sanbhalay Tanha Yateem Zainab.
Khabar Nahi Thi Keh Zindagi Mein Yeh Waqt Aaye Ga Mujh Pe Baba.
Tumharey Beton Se Le Gi Ik Din Tumhara Pursa Yateem Zainab.
Jalein Gaye Khaimay Chiney Ga Pardah Hamara Koi Bhi Jab Na Hoga.
Aye Baba Dekhey Gi Karbala Mein Tumhara Rasta Yateem Zainab.
Hai Yeh :TAKALLUM: Sada-e-Zahra Na Ab Hain Amma Na Ab Hain Baba.
Kisay Sunaye Kisay Bataye Gi Dard Apna Yateem Zainab.
Poet: :Mir Takallum Mir:
Noha Khuwan: :Mir Ji:
Composition: :Yasir Raza Yasir:
New Noha 21 Ramzan 2020 1441 Hijri Shahdat Imam Ali(AS)
#NohayLyrics
#tajpoint
Yateem Zainab Lyrics In Urdu Mir Ji 2020 Write Up Poster Image
