Tamachon ki Saza Baba Ali Raza Abidi Lyrics Urdu 2026
Ruki Na Aik Lamha Bhi Tamachon Ki Saza Baba.
Main Gash Kha Kar Giri Lekin Sitam Jari Raha Baba.
Mujhe Youn Karbala Se Sham Tak Le Kar Gaye Zalim.
Tujhe Maqtal Mein Jaisay Khainch Kar Laya Gaya Baba.
Woh Dur Ab Mil Bhi Jaein Tu Sakina Kaisay Pehne Gi.
Kahan Baqi Hai Ab Woh Dur Pehnanay Ki Jagah Baba.
Mila Tha Thokaron Se Jaisay Pursa Dadi Zahra Ko.
Teri Beti Sakina Ko Bhi Youn Pursa Mila Baba.
Hazaron Marne Walay They Ik Teri Sakina Ko.
Teri Beti Sakina Ka Tha Aakhir Jurm Kya Baba.
Zaeefi Aa Gayi Dekho Safaidi Ban Ke Baloon Ki.
Issi Din Ke Liye Tum Ne Mujhe Manga Tha Kya Baba.
Laeeno Ne Meri Jeene Ki Khuwaish Qatal Kar Di Hai.
Kaho Aameen Karti Hoon Main Marne Ki Dua Baba.
Mujhe Baba Tumhare Qatilon Ne Hai Bohat Mara.
Mujhe Unn Se Churanay Wala Hi Koi Na Tha Baba.
Kaha :MUHSIN:, Sakina Ne Jahan Be Sheer Soya Hai.
Sula Lo Phir Mujhe Ik Bar Asghar Ki Jagah Baba.
Poet: :Muhsin Jaffri:
Noha Khuwan: :Ali Raza Abidi:
Noha Volume: :Ali Raza Abidi 2026-27:
#TamachonkiSazaBaba
#NohayLyrics
#tajpoint
Tamachon ki Saza Baba Ali Raza Abidi Lyrics Urdu 2026 Write Up Poster Image
