Muhammad Ki Nawasi Hai Ahmad Timsaal Lyrics In Urdu 2026
Yeh Kaisi Sham-e-Wehshat Hai Na Akbar Hai Na Ghazi Hai.
Ajab Ghurbat Hai Pehrey Par Muhammad Ki Nawasi Hai.
Ghiri Hai Behar-e-Tofaan Mein Kinara Bhi Nahi Koi.
Akeli Hai Keh Ab Iss Ka Sahara Bhi Nahi Koi.
Liye Toota Howa Neza Haram Ke Gird Phirti Hai.
Ajab Ghurbat Hai Pehrey Par Muhammad Ki Nawasi Hai.
Jalay Khaimon Ki Bujhti Raakh Par Dat Kar Khari Hai Yeh.
Hai Khud Be Haal Par Sab Ko Tasalli De Rahi Hai Yeh.
Na Ghabrao Mere Seene Mein Jab Tak Sans Baqi Hai.
Ajab Ghurbat Hai Pehrey Par Muhammad Ki Nawasi Hai.
Bala Hai Dasht-e-Ghurbat Hai Our Oss Pe Zainab-e-Muztar.
Chupati Hai Kabhi Chehray Ko Baloon Se Kabhi Barh Kar.
Sakina BiBi Ko Ghoron Ki Tapoon Se Bachati Hai.
Ajab Ghurbat Hai Pehrey Par Muhammad Ki Nawasi Hai.
Ghamo Se Choor Bibi Ka Tha Kitna Hosla Dekho.
Bharaktay Sholon Se Aisay Utha Kar Laein Abid Ko.
Youn Lagta Tha Keh Yeh Zainab Nahi Abbas Ghazi Hai.
Ajab Ghurbat Hai Pehrey Par Muhammad Ki Nawasi Hai.
Bacha Kar Syed-e-Sajjad Ko Bolein Yeh Bhai Se.
Utho Ik Bar Aye Ghazi Zara Dekho Tarai Se.
Imamat Ki Mohafiz Ab Ali Ki Shah Zadi Hai.
Ajab Ghurbat Hai Pehrey Par Muhammad Ki Nawasi Hai.
Ghulabon Ko Ujar Kar Daliyon Se Chuttay Dekha Hai.
Yeh Ghar Zahra Ka Iss Ne Aik Din Mein Luttay Dekha Hai.
Yeh Woh Bibi Hai Ik Din Mein Qayamat Jis Pe Toti Hai.
Ajab Ghurbat Hai Pehrey Par Muhammad Ki Nawasi Hai.
Ajab Manzar Tha Jab Bachoon Ko Yakja Kar Ke Shehzadi.
Lagin Ginney Tu Oss Lamha Qayamat Our Ik Tooti.
Sabhi Hain Pas Par Zainab Sakina Ko Na Pati Hai.
Ajab Ghurbat Hai Pehrey Par Muhammad Ki Nawasi Hai.
Gayin Phir Dhondne Maqtal Mein Ro Ro Kar Sakina Ko.
Pukarein Darmiyaan Lashon Ke Aye Bibi Kahan Par Ho.
Sada Do Mujh Ko Shehzadi Phophi Tum Ko Bulati Hai.
Ajab Ghurbat Hai Pehrey Par Muhammad Ki Nawasi Hai.
Biyaan Ho Kis Tarha :AHMAD: Qayamat Ke Woh Lamhey They.
Sitamgar Ghair Kar Zainab Ko Hans Hans Kar Yeh Kehte They.
Barho Aagay Sabhi Mil Kar Issay Maro Yeh Bagi Hai.
Ajab Ghurbat Hai Pehrey Par Muhammad Ki Nawasi Hai.
Poet: :Ahmad Timsaal:
#MuhammadKiNawasi
#NohayLyrics
#tajpoint
Muhammad Ki Nawasi Hai Ahmad Timsaal Lyrics
New Lyrics Muhammad Ki Nawasi Hai Ahmad Timsaal
Urdu Lyrics Muhammad Ki Nawasi Hai Ahmad Timsaal 2026
Muhammad Ki Nawasi Hai Ahmad Timsaal Lyrics In Urdu 2026 Write Up Poster Image
Subscribe TAJPOINT :: Youtube Channel :
