Shimr Kehta Tha Mat Suno Mukhtar Syed Mohammad Shah 2023

Shimr Kehta Tha Mat Suno Mukhtar Syed Mohammad Shah.

Shimar Kehta Tha Mat Suno Mukhtar Main Ne Kaisay Hussain Ko Mara.

Jab Howa Main Sawar Seene Par Lab Hilanay Laga Tera Maula.
Pyas Mein Bad Duaein Deney Lagay Mujh Ko Shabeer Aisa Lagta Tha.
Main Ne Honton Pe Kan Rakh Ke Suna Woh Tu Ghazi Ko Yaad Karta Tha.

Kaisi Ghurbat Thi Ibn-e-Zahra Par Dekhti Thi Sakina Yeh Manzar.
Mere Hathoon Mein Sheh Ki Darhi Thi Main Rulata Raha Ossay Hans Kar.
Lash-e-Abbas Bhi Tarapney Lagi Jab Tamacha Hussain Ko Mara.

Oss Ki Aankhon Mein Jane Kya Tha Ameer Koi Nazrein Nahi Milata Tha.
Main Bhi Aankhein Na Oss Ki Dekh Saka Iss Liye Chehra Oss Ka Phair Diya.
Yeh Wajah Thi Jo Pusht-e-Gardan Se Tere Maula Ko Zibha Main Ne Kiya.

Woh Jo Ik Nehar Hai Wahan Jari Tera Maula Wahan Tha Zeen Se Gira.
Umar-e-Sad Ne Kaha Mujh Se Qatal Iss Ko Nashaib Mein Karna.
Main Yahan Qatal Ga Tak Mukhtar Oss Ko Zulfoon Se Khainch Kar Laya.

Haan Woh Lamha Ajeeb Tha Mukhtar Mere Hathoon Mein Taiz Thi Talwar.
Kund Ho Jata Tha Mera Khanjar Main Ne Youn Bhi Kiye They Terah Waar.
Mujh Se Katta Na Tha Gala Oss Ka Oss Ki Maa Ne Tha Hath Rakha Howa.

Aik Tela Hai Karbala Mein Jahan Ro Rahi Thi Behan Khari Oss Ki.
Minattein Kar Rahi Thi Har Ik Ki Keh Rahi Thi Nahi Chalao Churi.
Oss Ne Satar Qadam Se Kattay Hoye Apne Bhai Ka Khud Gala Dekha.

Oss Ne Dekha Jab Aa Gayi Zainab Mujh Se Shabeer Ro Ke Kehne Laga.
Shimar Jane De Oss Ko Khaimay Mein Apna Khanjar Chupa Le Oss Se Zara.
Shimar Zanu Hata Le Seene Se Wasta Hai Tujhe Muhammad Ka.

:MIR SAJJAD: Sun Ke Oss Ke Sitam Sare Darbari Bain Karne Lagay.
Bola Shimar e Laeen Aye Mukhtar Kuch Dikhaon Agar Ijazat De.
Jis Pe Khoon Tha Ghareeb-e-Zahra Ka Oss Ne Khanjar Woh Sab Ko Dikhlaya.

Poet: :Mir Sajjad Mir:
Noha Khuwan: :Syed Mohammad Shah:
Noha Volume: :Syed Mohammad Shah 2023-24:
Composition: :Sayyed Zaire Naqvi:

#ShimrKehtaThaMatSuno
#NohayLyrics
#tajpoint

New Noha Shimr Kehta Tha Mat Suno Mukhtar Syed Mohammad Shah

Shimr Kehta Tha Mat Suno Mukhtar Syed Mohammad Shah 2023