Khuda Ki Pehchan Ban Ke Lyrics In Urdu 2011
Khuda Ki Pehchan Ban Ke Jab Se Mujhe Taruf Howa Hasan Ka.
Samajh Mein Aane Laga Hai Tab Se Mujhe Bhi Kuch Kuch Khuda Hasan Ka.
Batool-e-Azahara Ki Gaud Mein Woh Nazool Jab Kar Chuka Hasan Ka.
Ali Ke Honton Se Kam Le Kar Khuda Ne Bosa Liya Hasan Ka.
Ali Ke Pehle Hi Wastay Par Khuda Ne Sun Li Jo Baat Meri.
Tu Main Ne Agli Dua Ki Khatir Bana Liya Wasta Hasan Ka.
Abhi Charagon Ka Silsila Tu Janab-e-Mehdi Talak Chaley Ga.
Abhi Tu Zahra Ke Ghar Mein Roshan Howa Hai Pehla Diya Hasan Ka.
Laqab Badalney Se Sham Walo Kabhi Muqadar Nahi Badaltay.
Faqeer Khud Ko Ameer Likh Le Na Ho Ga Hum Martaba Hasan Ka.
Yeh Mera Jibreel-e-Fikar :AKBAR: Maqam-e-Sidrah Se Kya Barhey Ga.
Damag Chota Shaoor Adna Main Kya Likhon Martaba Hasan Ka.
Poet: :Hasnain AKbar:
Manqabat Khuwan: :Mir Hasan Mir:
Manqabat Volume: :Mir Hasan Mir 2011-12:
#ImamHasanManqabat
#ManqabatLyrics
#tajpoint
Write Up Khuda Ki Pehchan Ban Ke Lyrics In Urdu 2011 Poster
