Riwayat-e-Mukhtar Mir Hasan Mir Lyrics Urdu 2013

Riwayat-e-Mukhtar Mir Hasan Mir Lyrics Urdu 2013

Riwayat-e-Mukhtar Mir Hasan Mir.

Haye Aye Rone Walo Yeh Rawayaat Mein Likha.
Jis Dam Qiyam Kofe Mein Mukhtar Ne Kiya.
Jo Bhi The Qatilan-e-Shaheedan-e-Karbala.
Arey Un Mein Se Koi Jab Bhi Giriftar Hota Tha.
Hukam-e-Ameer Par Woh Sitam Jab Sunata Tha.
Mukhtar Sar Ko Peet Ke Bas Rota Jata Tha.

Haye Ik Rooz Tha Yeh Kofe Ke Darbar Ka Samaa.
Ibn-e-Numair Apne Sitam karta Tha Biyaan.
Tori Thi Main Ne Seena-e-Akbar Mein Khud Sina.
Uthta Tha Shoor Khaimo Se Mara Giya Jawaan.
Maa Jeete Ji Guzar Gayi Zainab Bhi Mar Gayi.
Ik Barchi Meri Kitne Jigar Paar Kar Gayi.

Haye Ik Rooz Kar Ke Laya Giya Hurmala Aseer.
Bola Woh Ran Mein Main Ne Chalaye The Teen Teer.
Oss Waqt Pehla Teer Chalaya Tha Aye Ameer.
Bhar Kar Chala Jo Mashk Tu Mazloom Ka Safeer.
Mashkeeze Se Jo Teer Mera Paar Ho Giya.
Aisa Laga Ke Qatal Alamdar Ho Giya.

Haye Bola Laeen Ye Qarb Ka Hai Dosra Maqam.
Laye Jo Apni Gaud Mein Be-Sheer Ko Imam.
Sokhi Zubaan Phairata Tha Honton Pe Tishna Kaam.
Youn Qata Ibn-e-Zahra Ka Main Ne Kiya Kalam.
Hil Hil Giya Lahad Mein Jigar Boturab Ka.
Arey Maqtal Mein Nehar Ho Giya Bacha Rubab Ka.

Haye Darbar Mein Yeh Sun Ke Qayamat Ka Tha Samaa.
Arey Peer-o-Jawan Rote The Le Le Ke Hichkiyaan.
Bola Yeh Hurmala Abhi Baqi Hai Dastaan.
Jis Dam Tera Hussain Tha Teeron Ke Darmiyaa.
Woh Teer Aakhri Tha Jo Main Ne Chalaya Tha.
Arey oss Teer Ne Hussain Ko Zeen Se Giraya Tha.

Haye Phir Shoor Wah Hussaina Ka Uthta Tha Bar Bar.
Jab Qaid Kar Ke Laya Giya Shimar-e-Bad Shiyar.
Bola Woh Mere Hath Mein Khanjar Tha Taiz Dhar.
Jis Se Kiye Hussain Ki Gardan Pe Terah(13) Waar.
Khanjar Rawaan Tha Halq Pe Ibn-e-Batool Ke.
Dil Kat Rahe The Sath Mein Aal-e-Rasool Ke.

Haye Ab Iss Ke Bad :MIR TAKALLUM: Biyaan Ho Kiya.
Aye Pursa Daro Sochna Dil Mein Kabhi Zara.
Kyun Itna Waqt Qatil-e-Shabir Ko Laga.
Kis Waste Hussain Ka Katta Na Tha Gala.
Mehshar Min Yeh Khule Ga Sitam Kainat Par.
Khanjar Ke Kuch Nishan Hain Zahra Ke Hath Par.

Poet: :Mir Takallum Mir:
Noha Khuwan: :Mir Hasan Mir:
Noha Volume: :Mir Hasan Mir 2013-14:

#RiwayateMukhtar
#NohayLyrics
#tajpoint

New Noha Riwayat-e-Mukhtar

Riwayat-e-Mukhtar Mir Hasan Mir Lyrics Urdu 2013 Write Up Poster Image

Riwayat-e-Mukhtar Mir Hasan Mir Lyrics Urdu 2013

Video Link