Suno Siffeen Suno 7-12 Mir Hasan Lyrics Urdu 2016
Suno Siffeen Suno 7-12.
Kis Shair Ki Aamad Hai Ke Ran Kanp Raha Hai.
Ran Aik Taraf Charkh-e-Kahan Kanp Raha Hai.
Rustam Ka Badan Zair-e-Kafan kanp Raha Hai.
Har Qasar-e-Salateen-e-Zaman Kanp Raha Hai.
Shamsheer Bakaf Dekh Ke Haider(AS) Ke Pisar Ko.
Jibreel Larazte Hain Samete Howay Par Ko.
Kis Shair Ka Maidaan Mein Utarta Hai Jigar Band.
Adda Pe Kiya Muat Ne Har Zeest Ka Dar Band.
Munh Kholein Hain Hairat Se Zubane Hain Magar Band.
Lashkar Howa Nazron Mein Dilawar Ki Nazar Band.
Tauba Ka Na Dar Rehmat-e-Aalam Ka Khula Hai.
Sab Band Hain Bas Rasta Jahanum Ka Khula Hai.
Jis Samt Chala Taig Uthaye Wo Buhadur.
Sab Tair Arwaah Urey Jismo Se Pur Pur.
Dehshat Se Tha Har Aik Guru Bhole Howay Gur.
Tha Taig Ki Jahnkar Mein Panchum Ka Ajab Sur.
Awaz Yehi Ahl-e-Daga Detey The Bhago.
Sab Raag Pahari Mein Sada Detey The Bhago.
Yakbar Kiya Shair Ne Hamla Jo Jhapat Kar.
Paton Ki Tarha Jism Ki Shakho Se Gire Sar.
San San Jo Chali Taig Ulatne Lage Lashkar.
Paigham Ali(AS) Ka Ye Hawa Ne Diya Aa Kar.
Arey Dil Khool Ke Lar Lo Na Taradood Mein Raho Tum.
Abbas(AS) Yahin Rook Doon Suraj Jo Kaho Tum.
Talwar Se Dar Dar Ke Nidar Bhag Rahe The.
Thi Maut Udhar Ran Mein Jidhar Bhag Rahe The.
Bhaga Nahi Jata Tha Magar Bhag Rahe The.
Jaldi Mein Badan Choor Ke Sar Bhag Rahe The.
Sans Un Ke Ruke The Keh Jo Maidaan Mein Ruke The.
Zindoon Ki Yeh Halat Thi Ke Murdoon MEin Chupe The.
Kehti Thi Ajal Dasht Se Be-Jaan Samaito.
Yeh Hath Yeh Sar Jism Yeh Dandaan Samaito.
Aye Zakhmiyo Bikhre Howay Osaan Samaito.
Ghar Jao Meri Maan Lo Saman Samaito.
Marte Ho Jawani Mein Ajab Zauq Hai Tum Ko.
Kya Khudkushi Karne Ka bohat Shauq Hai Tum Ko.
Poet: :Mir Takallum Mir:
Manqabat Khuwan: :Mir Hasan Mir:
Manqabat Volume: :Mir Hasan Mir 2016-17:
Siffeen Manqabat Suno Siffeen Suno 7-12 Mir Hasan
Suno Siffeen Suno 7-12 Mir Hasan Lyrics Urdu 2016 Write Up Poster Image
