Suno Suno Qamber Ki Our Fizza Ki Guftgu Suno 1-6

Suno Suno Qamber Ki Our Fizza Ki Guftgu Write Up In Urdu

Hai Dosto Yeh Chashme Tasawar Ka Waqiya.

Ik Din Howa Jo Qamber-o-Fizza Ka Samna.
Dono Ko Ahl-e-Bait Ki Nisbat Pe Naaz Tha.
Phir Yeh Howa Ke Chir Giya Rutbon Ka Tazkira.
Iss Ghar Ke Nokaron Ki Hai Kya Aabro Suno.
Oss Dam Hoi Thi Dono Mein Jo Guftgu Suno.

Qamber Ye Bola Sab Se Rutba Hai Mera Juda.
Mashoor Do Jahan MEin Hoon Main Abd-e-Murtaza.
Mula Ne Youn Kiya Meri Qismat Ka Faisla.
Shayan-e-Shan Martaba Mujh Ko Atta Howa.
Sad Shukar Main Ghulam-e-Janab-e-Ameer Hoon.
Shahon Ko Bheek Deta Hoon Aisa Faqeer Hoon.

Fizza Ne Di Sada Mere Pocho Na Martabe.
Tay Karti Hoon Main Lamhon Mein Sadiyoon Ki Fasle.
Mashoor Do Jahan Mein Hain Mere Waqay.
Hote Hain Arsh Walon Mein Bhi Mere Tazkire.
Bas Yeh Sifat Hi Kafi Hai Konain Ke Liye.
Main Rotiyaan Pakati Hoon Hasnain Ke Liye.

Qamber Yeh Bola Aaj Suno Mere Moajzaat.
Bas Mein Hi Janta Hoon Ghulami Ki Kul Sifaat.
Jis Dam Ali Ke Qadmon Pe Hote Hain Mere Hath.
Mehsoos Mujh Ko Hoti Hai Muthi Mein Kainaat.
Thokar Se Meri Noor Ke Chashme Ubalte Hain.
Shams-o-Qamar Bhi Mere Isharon Pe Chalte Hain.

Fizza Ne Daad De Ke Kaha Meri Baat Sun.
Kaisi Haseen Mili Hai Mujhe Kainaat Sun.
Woh Tere Moajze The Mere Moajzaat Sun.
Pohanche Hai Kis Moqaam Pe Fizza Ke Hath Sun.
Main Ne Hasan Hussain Ko In Se Uthaya Hai.
Zainab Ko Mere Hathon Ne Chalna Sikhaya Hai.

Qamber Yeh Bola Sach Hai Main Koi Nabi Nahi.
Mere Liye Tu Koi Shariyat Bani Nahi.
Mujh Ko Koi Kitab Khuda Se Mili Nahi.
Par Mere Ikhtiyar Mein Bhi Kuch Kami Nahi.
Haider Ki Nokari Ke Sabab Kamyab Hoon.
Main Chalti Phirti Ishq-e-Ali Ki Kitab Hoon.

Poet: :Hasnain Akbar:
Manqabat Khuwan: :Mir Hasan Mir:
Manqabat Volume: :Mir Hasan Mir 2010-11:

#QamberKiFizzaKiGuftgu
#ManqabatLyrics
#tajpoint

Suno Suno Qamber Ki Our Fizza Ki Guftgu Suno 1-6