Maa Ummul Baneen Se Mat Kehna Lyrics Urdu 2010
Maa Ummul Baneen Se Mat Kehna
Pohanche Sirhane Bhai Ke Jab Shah-e-Karbala.
Ghazi Ne Apni Aakhri Sansoon Mein Di Sada.
Mula Maa Ummul Baneen Se Mat Kehna.
Sharminda Sakina Se Hoon Bohat Main Pani Le Kar Aa Na Saka.
Maa Ne Jo sikhaye Bachpan Mein Woh Yaad Hain Sab Aadab Mujhe.
Nazdeek Khare Rehna Oss Ja Shabir Jahan Bethe Ja Ke.
Iss Waqt Magar Khadam Tera Tazeem Ko Teri Uth Na Saka.
Har Lash Pe Gir Ke Kehte The Kya Tum Hi Ali Ke Bete Ho.
Maloom Hai Kitni Mushkil Hai Khaimo Se Yahan Tak Pohanche Ho.
Abbas Se Milne Ki Khatir Zehmat Jo Uthai Hai Mula.
Kis Tarha Kate Bazu Mere Maqtal Mein Bata Dena Beshaq.
Main Zeen Se Zameen Par Kaise Gira Amma Ko Suna Dena Beshaq.
Abbas Ke Girne Se Lekin Zainab Ke Giri Thi Sar Se Rida.
Tha Charon Janib Bikhra Howa Quran Hassan Ka Jangal Mein.
Pamal Badan Qasim Ka Howa Guzri Woh Qayamat Maqtal Mein.
Abbas Ki Zoja Se Pehle Afsos Hoi Bewa Kubra.
Baba Se Kiya Bachon Ko Juda Kiya Zulm Yeh Dhaya Logon Ne.
Muslim Ki Lash Kofe Ki Galiyon Mein Phiraya Logon Ne.
Abbas Ki Nazron Ke Aagay Ujari Thi Ruqaiya Ki Dunya.
Yeh Soch Ke Ran Mein Roti Hai Bazu Se Lipat Kar Meri Wafa.
Yeh Bat Giraan Guzray Gi Bohat Amma Ki Tabiyat Par Aqqa.
Tar Hath Howay Pani Se Mere Our Aap Ka Asghar Pyasa Raha.
Do Bhai Bicharte The Ran Mein Kaisa Tha Qayamat Ka Manzar.
Abbas Mujhe Bhai Keh Do Sarwar Ne Kaha Jab Yeh Ro Kar.
Shabir Ko Bhai Keh Tu Diya Lekin Thi :TAKALLUM: Lab Pe Sada.
Poet: :Mir Takkalum Mir:
Nohakhowan: :Mir Hassan Mir:
Noha Volume: :Mir Hassan Mir 2010-11:
#MaaUmmulBaneenSeMatKehna
#NohayLyrics
#tajpoint
Maa Ummul Baneen Se Mat Kehna Lyrics Urdu 2010 Write Up Poster Image
