Zakhme Akbar Pe Laila Rida Daal Do Mir Hasan Mir Lyrics In Urdu and Roman Urdu

Zakhme Akbar Pe Laila Rida Daal Do Mir Hasan Mir Lyrics In Urdu and Roman Urdu

زخمِ اکبرؑ پہ لیلیٰؑ رِدا ڈال دو

Keh Rahe The Yeh Ro Ro Ke Sarwar Zakhm-e-Akbar Pe Laila Rida Daal Do.
Mera Farzan Hai Khon Mein Tar Zakhm-e-Akbar Pe Laila Rida Daal Do.
Zakhm Se Iss Qadar Khoon Baha Hai Khon-e-Akbar Se Tar karbala Hai.
Naiza-e-Zulm Ki Loriyon Se Ladla Mera Soya Howa Hai.
Koi Iss Ko Jaga De Na Aa Kar Zakhm-e-Akbar Pe Laila Rida Daal Do.
Hath Mein Khoon Ki Mendi Laga Lo Bas Tasawar Mein Dulha Bana Lo.
Tum Ne Mani Hai Jo Zindagi Bhar Manatein Aaj Sari Barha Lo.
Ghurbaton Ka Yeh Sehra Saja Kar Zakhm-e-Akbar Pe Laila Rida Daal Do.
Meri Behno Ko Kab Yeh Pata Hai Woh Samajhti Hain Yeh So Raha Hai.
Sard Hai Jism Saqat Hain Nabzein Mera Kariyal Jawaan Mar Chuka Hai.
Hath Seene Se Iss Ka Hata Kar Zakhm-e-Akbar Pe Laila Rida Daal Do.
Gham Ki Kali Ghata Cha Rahi Hai Mujh Ko Yeh Baat Tarpa Rahi Hai.
Parda Syedaniyon Ka Lute Ga Sham-e-Ghurbat Qareeb Aa Rahi Hai.
Phir Muyasar Kahan Ho Gi Chadar Zakhm-e-Akbar Pe Laila Rida Daal Do.
Khak Mein Mil Giya Hai Woh Bano Jis Ko Mati Bhi Lagne Na Di Ho.
Kitne Nazoon Se Pala Tha Oss Ne Zakhm Jaldi Se Bibi Chupa Do.
Bint-e-Zahra Na Dekhe Yeh Manzar Zakhm-e-Akbar Pe Laila Rida Daal Do.
Haye Meri Sakina Ki Ghurbat Kaise Dekhe Gi Bhai Ki Maiyat.
Do Janaze Na Uthein Gaye Mujh Se Woh Tu Zindan Ki Hai Amanat.
Mar Na Jaye Kahin Meri Dukhtar Zakhm-e-Akbar Pe Laila Rida Daal Do.
Oss Ko Yeh Keh Ke Dena Dilasa Tu ne Dekha Na Bhai Ka Lasha.
Teri Janib Se Madar Ne Lekin Be-Kafan Ko Kafan De Diya Tha.
Naam Bemar Sughra Ka Le Kar Zakhm-e-Akbar Pe Laila Rida Daal Do.
Aye :HILAL: Aik Mehshar Bapa Tha Khaima-e-Shah Matam Kadah Tha.
Ashk Aankhon Se Peham Rawaan The Aal-e-Ahmad Mein Shor-e-Buka Tha.
Jab Yeh Kehte The Sibt-e-Payamber Zakhm-e-Akbar Pe Laila Rida Daal Do.
Poet: :Dr Hilal Naqvi:
Noha Khuwan: :Mir Hasan Mir:
Noha Volume: :Mir Hasan Mir 2017-18:
#ZakhmeAkbarPeLailaRidaDaalDo
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com

Leave a Comment