Rajaz Suno Hussain Ka Lyrics In Urdu and Roman Urdu
رجز سُنو حُسینؑ کا
Nabi Ka Noor-e-Nazar Hoon Hussain Kehte Hain.
Ali Ka Lakht-e-Jigar Hoon Hussain Kehte Hain.
Main Fatima Ka Pisar Hoon Hussain Kehte Hain.
Hasan Ka Rajkunwar Hoon Hussain Kehte Hain.
Main Zalimo Ke Har Ik Zulm Ka Mahasib Hoon.
Shikast-e-Kufar Jo Likhe Ga Main Woh Katib Hoon.
Main Karbala Ko Moalla Banane Aaya Hoon.
Khuda Ke Deen Ki Hurmat Bachane Aaya Hoon.
Naqab Zulm Ke Rukh Se Uthane Aaya Hoon.
Main Khud Yazeed Ki Hasti Ko Mitane Aaya Hoon.
Agar Hai Shoq-e-Waga Aao Bas Kalam Nahi.
Nazar Se Cheer Na Dalon Tu Mera Naam Nahi.
Abhi Bhi Waqt Hai Dekho Jata Raha Hoon Tumhein.
Main Apne Sare Irade Bata Raha Hoon Tumhein.
Rah-e-Nijat Pe Aao Bula Raha Hoon Tumhein.
Bhatak Chuke Ho Main Rasta Dikha Raha Hon Tumhein.
Hamari Baat Sunu Gaye Amaan Pao Gaye.
Agar Na Mano Gaye Be-Maut Mare Jao Gaye.
Cherag-e-Deen-e-Khuda Ko Jala Ke Dam Loon Ga.
Keh Teergi-e-Sitam Ko Mita Ke Dam Loon Ga.
Kiya Giya Howa Wadah Nibha Ke Dam Loon Ga.
Main Qasar-e-Bait-e-Fasiq Gira Ke Dam Loon Ga.
Nizam Deen-e-Payamber Ka Aam Karna Hai.
Mujhe Yazeed Ka Qisa Tamam Karna Hai.
Yazeed Foaj Ki Kasrat Pe Naaz Hai Tujh Ko.
Mukhalifeen Ki Qowat Pe Naaz Hai Tujh Ko.
Wafa Shoar Hakomat Pe Naaz Hai Tujh Ko.
Bohat Hi Apni Shujat Pe Naaz Hai Tujh Ko.
Tujhe Woh Taig-e-Tabasum Se Chak Kar De Ga.
Mera Sagheer Hi Tujh Ko Halak Kar De Ga.
Kaha Hussain Ne Ahl-e-Nifaq Se :YASIR:
Tumhare Haq Mein Jo Pehlu The Kar Diye Zahir.
:WAJHI:-e-Deen Se Mehroom Hi Rahe Aakhir.
Samajh Na Paye Tumhari Nijat Ki Khatir.
Payam-e-Aman Ki Ik Rasam Aam Karni Thi.
Aye Zalimo Mujhe Hujjat Tamam Karni Thi.
Poet: :Yasir Raza Yasir:
Manqabat Khuwan: :Syed Wajhi Hasan Zaidi:
Manqabat Volume: :Syed Wajhi Hasan Zaidi 2012-13:
#MulaWarisHai
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
