Rajaz Ya Aoun-o-Muhammad 1-6 Lyrics In Urdu and Roman Urdu
رَجز یا عونؑ و محمدؑ 1تا6
Hajat Raway-e-Har Do Sara Ya Ali Madad.
Uqdah Hai Paish Uqdah Kusha Ya Ali Madad.
Ain-e-Khuda Lisan-e-Khuda Ya Ali Madad.
Hona Hai Mujh Ko Madah Sara Ya Ali Madad.
Zainab Ka Tazkira Hai Zabaan Thartharati Hai.
Tafseer Aayton Ki Kahan Mujh Ko Aati Hai.
Sab Kuch Ayaan Hai Aap Pe Rodad Ya Ali.
Hum Ko Nahi Hai Koi Sabaq Yaad Ya Ali.
Paish-e-Nazar Hai Saat-e-Imdad Ya Ali.
Gongi Zabaan Hai Mail-e-Faryad Ya Ali.
Hum Unn Ki Bargah Mein Midhat Ko Jate Hain.
Abbas Bhi Adab Se Jahan Sar Jhukate Hain.
Nad-e-Ali Parhoon Tu Qalam Ko Rawan Karon.
Kausar Pe Hazari Ho Tu Tahir Zabaan Karon.
Ilham Ho Tu Sar-e-Khafi Ko Ayaan Karon.
Girahey Zabaan Khulay Tu Fazeelat Biyaan Karon.
Jo Khadim-e-Hussain Woh Khadam Hai Aap Ka.
Sidrat Ka Jibraeel Mulazim Hai Aap Ka.
Zainab Shareek-e-Bazam-e-Shahadat Ka Naam Hai.
Zainab Namaz-e-Sabar Ki Niyat Ka Naam Hai.
Zainab Khud Apne Baap Ki Zeenat Ka Naam Hai.
Zainab Imamaton Ki Zarorat Ka Naam Hai.
Sajjad Bach Gaye Yeh Issi Ka Kamal Tha.
Warna Nabi Ki Nasal Ka Bachna Muhaal Tha.
Thi Aarzu Ke Deeda-e-Shabir Num Na Ho.
Tanha Maiyan-e-Dasht Imam-e-Umam Na Ho.
Dil Naram Hai Hussain Ka Bar-e-Alam Na Ho.
Bhai Ko Mere Foaj Ki Qilat Ka Gham Na Ho.
Ghazi Daleer-e-Nasir-o-Jarrar Kar Diya.
Do Kamsino Ko Haider-e-Karrar Kar Diya.
Maa Ne Pila Ke Sheer Kiya Hai Tumhein Daleer.
Tum Bhook Main Tawana Ho Tashna Labi Mein Seer.
Gar Taig Khainch Lo Tu Zabardast Bhi Ho Zair.
Haan Tifal Bhi Tu Hote Hain Shairon Ke Ghar Ke Shair.
Tum Mazhar-e-Sifaat-e-Khuda Ke Wali Bhi Ho.
Dushman Ko Yeh Bata Do Nawasay Nabi Ke Ho.
Poet: :Bilal Kazmi:
Manqabat Khuwan: :Syed Wajhi Hasan Zaidi:
Manqabat Volume: :Syed Wajhi Hasan Zaidi 2015-16:
#RajazYaAounoMuhammad
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
