Mera Hussain Mujhe Karbala Bulaye Ga Lyrics In Urdu and Roman Urdu
میرا حُسینؑ مُجھے کربلا بُلائے گا
Yeh Arzu Hai Keh Ik Bar Jaon Karb-o-Bala.
Nahi Hai Zaad-e-Safar Dil Tarap Raha Hai Mera.
Khabar Nahi Hai Keh Qismat Mein Kya Likha Hai Howa.
Magar Khabar Hai Sakhi Hain Bohat Mere Mola.
Mujhe Yaqeen Hai Ik Roz Aisa Aaye Ga.
Tu Kya Howa Jo Muyasar Nahi Hai Zaad-e-Safar.
Karam Hussain Sakhi Ka Jo Ho Gaya Mujh Par.
Main Aik Lamhe Mein Pohanchon Ga Karbala Ur Kar.
Simatti Jaye Gi Mere Safar Ki Rahguzar.
Naseeb Mera Niya Rasta Banaye Ga.
Unhein Pata Hai Mere Dil Ki Aarzu Kya Hai.
Woh Jante Hain Ke Dil Mera Kyun Tarapta Hai.
Unhi Ke Naam Se Dil Ba Khuda Dharkta Hai.
Mere Tu Khuwab-o-Khyalon Mein Unn Ka Roza Hai.
Atta Se Unn Ki Hi Tabeer Khuwab Paye Ga.
Karam Se Unn Ke Main Jab Arz-e-Karbala Pohancha.
Karon Ga Khak-e-Shifa Par Main Shukar Ka Sajda.
Main Pehle Roza-e-Abbas Par Hi Jaon Ga.
Yeh Lab Jo Chomein Gaye Hashim Ke Chand Ka Roza.
Sitara Mere Muqadar Ka Jagmagaye Ga.
Gham-e-Hussain Mein Farsh-e-Azza Jo Bichta Hai.
Dua Har Aik Azadar Yehi Karta Hai.
Yeh Farsh Karb-o-Bala Mein Mujhe Bichana Hai.
Ali Ke Lal Ka Noha Wahan Sunana Hai.
Mera Tu Dil Gham-e-Sarwar Se Phat Hi Jaye Ga.
Karon Ga Pursa Wahan Jis Jagah Giray Ghazi.
Hai Ab Bhi Baqi Jahan Aahein Shahzadi Ki.
Lagi Thi Akbar-e-Mazloom Ke Jahan Barchi.
Jahan Pe Kunbay Ko Ab Tak Hai Fatima Roti.
Wahan Pe Qalab Mera Ashk-e-Khoon Bahaye Ga.
Habib-e-Ibn-e-Mazahir Ne Khuwab Mein Dekha.
Hussain Ibn-e-Ali Aa Gaye Hain Karb-o-Bala.
Tu Ja Ke Zoja Se Apni Habib Ne Yeh Kaha.
Bas Aane Wala Hai Khat Mujh Ko Shah-e-Wala Ka.
Bin-e-Sakhi Hai Woh Ab Dosti Nibhaye Ga.
Bulaein Mula Jo :SALMAN:-O-:ZAIN: Karb-o-Bala.
Tu Ja Ke Matam-e-Shabir Mein Parhein Noha.
Na Aik Pal Ko Ruke Noha Matam-o-Giriya.
Janab-e-Zahra Ko Dein Hum Hussain Ka Pursa.
Hamara Sabar Woh Hargiz Na Aazmaye Ga.
Poet: :Salman Azmi:
Noha Khuwan: :Zain Abbas Shah:
#MeraHussainMujheKarbalaBulayeGa
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
