Main Iss Tarha Se Hoon Ya Rab Teri Sana Ke Beghair Lyrics In Urdu 2019
Main Iss Tarha Se Hoon Ya Rab Teri Sana Ke Beghair.
Ke Jaise Jee Nahi Sakta Koi Hawa Ke Beghair.
Na Mujh Se Naat Ka Ik Lafz Bhi Raqam Hota.
Khuda-e-Aal-e-Muhammad(SAWW) Teri Atta Ke Beghair.
Qasam Khuda Ki Adhori Kitab Lagti Thi.
Biyaz-e-Shair Mujhe Naat-e-Mustafa(SAWW) Ke Beghair.
Na Meri Hamd Mukamil Hai Mustafa(SAWW) Ke Beghair.
Na Meri Naat Mukamil Hai Murtaza(AS) Ke Beghair.
Wasila Aal-e-Nabi(SAWW) Ka Na Ho Tu Rehte Hain.
Dua Asar Ke Beghair Our Asar Dua Ke Beghair.
Faqeer-e-Shah-e-Najaf Hoon Koi Mazzaq Nahi.
Hamesha Milta Hai Mujh Ko Meri Sada Ke Beghair.
Sakoon Milta Nahi Mustafa(SAWW) Ko Our Kahin.
Aye Shah Zadi-e-Alam Teri Rida Ke Beghair.
Daleel Koi Nahi Thi Khuda Ke Hone Ki.
Ali-o-Fatima(SA) Hasnain-o-Mustafa(SAWW) Ke Beghair.
Saza Ke Baad Jaza Hai Agar Tu Aye Waiz.
Tu Kaise Mil Gayi Hur(AS) Ko Jaza Saza Ke Beghair.
Ali(AS),Rasool(SAWW), Khuda Asal Mein Hai Yeh Tarteeb.
Tum Inteha Ko Na Pohancho Gay Ibtida Ke Beghair.
Koi Bhi Ho Razi Allah Ho Nahi Sakta.
Aye Bint-e-Rehmat-e-Alam(SAWW) Teri Riza Ke Beghair.
Poet: :Banda-e-Momin:
Naat Khuwan: :Mir Hasan Mir:
#MainIssTarhaSeHoon
#NaatLyrics
#tajpoint
Main Iss Tarha Se Hoon Ya Rab Teri Sana Ke Beghair Lyrics In Urdu 2019 Write Up Poster Image
