Suno Shan-e-Fatima Suno Shan-e-Syeda 1-6 Lyrics In Urdu and Roman Urdu
سُنو شانِ فاطمہؑ سُنو شانِ سیّدہؑ1-6
Zahra(SA) Ki Baat Ho Gi Bari Aan Baan Se.
Zeeshan Jis Ki Shan Hai Dono Jahan Se.
Hai Jis Ke Ghar Ka Farsh Buland Aasman Se.
Dulha Jise Mila Hai Khuda Ke Makan Se.
Khairat Jis Ke Dar Se Har Ik Aali Jah Le.
Be-Saya Jis Ke Saye Mein Aa Kar Panah Le.
Jo Do Jahan Ka Chain Hai Yeh Oss Ka Chain Hai.
Zainab(SA) Ki Maa Hai Chehra-e-Yazdaan Ki Zain Hai.
Rab-e-Hasan(AS) Hai Fatima(SA) Rab-e-Hussain(AS) Hai.
Yeh Ain-e-Haq Hai Iss Ka Addo Ain Gain Hai.
Sun Kar Khuda Ke Deen Ki Cheekh-o-Pukar Ko.
Pala Hai Iss Ne Sabar Ke Parwardigar Ko.
Mazmoon Do Jahan Hain Unwan Fatima(SA).
Muhsin Khuda Ki Zaat Hai Ahsan Fatima(SA).
Quran Ko Parhati Hain Quran Fatima(SA).
Mushkil Ali(AS) Ki Karti Hain Aasan Fatima(SA).
Qaul-e-Nabi(SAWW) Hai Umm-e-Abeeha Batool(SA) Hain.
ALLAH Ke Rasool(SAWW) Ki Zarha(SA) Rasool Hain.
Roshan Hai Itna Syeda-e-Pak(SA) Ka Makaan.
Batil Pe Iss Ka Noor Girata Hai Bijliyaan.
Phaila Howa Hai Noor-e-Wila Ka Haseen Samaa.
Jhuk Jhuk Ke Iss Ko Dekhta Rehta Hai Aasmaan.
Arsh-e-Bareen Adab Se Qadam Boos Ho Gaya.
Soraj Bhi Aa Gaya Tu Ujalon Mein Kho Gaya.
Sidra Se Bhi Azeem Hai Khair-ul-Nisa Ka Ghar.
Karti Hain Sari Manilein Iss Ke Liye Safar.
Achi Tarha Se Hazrat-e-Jibreel(AS) Ko Khabar.
Poche Beghair Aaein Tu Jal Jaein Unn Ke Par.
Pabandi Sab Ko Karni Hai Iss Ke Usool Ki.
Aate Nahi Beghair Ijazat Rasool(SAWW) Bhi.
Iss Ghar Mein Fatima(SA) Hain Ali Hain Hasan Hussain.
Aabad Hain Yahan Pe Zamane Ke Syedain.
Makhdoom Inn Ka Ghar Hai Do Aalam Hain Khadmain.
Milta Hai Iss Ko Dekh Ke ALLAH Ko Bhi Chain.
Jalwaon Se Iss Ke Sara Jahan Jagmagaye Ga.
Iss Ghar Se Jo Jale Ga Jahanum Mein Jaye Ga.
Poet: :Gohar Jarchvi:
Manqabat Khuwan: :Rizwan Zaidi:
Manqabat Volume: :Rizwan Zaidi 2018-19:
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
