Karne Do Mujhe Saqi-e-Kausar Ki Sana Lyrics Urdu 2012
Karne Do Mujhe Saqi-e-Kausar Ki Sana.
Raaz ALLAH Ki Tauheed Hai Humraz Ali.
Kibriyai Ki Daleelon Ka Hai Aaghaz Ali.
Dil-e-Be-Dil Se Jo Nikali Hai Woh Aawaz Ali.
Aasmaan Saaz Zameen Saaz Bashar Saaz Ali.
Kar-e-Takhleeq Ba-Taeed-e-Ahad Karta Hai.
Arey Yeh Woh Banda Hai Jo Khaliq Ki Madad Karta Hai.
Mimbar-e-Alam-e-Imkaan Ka Khateeb-e-Aazam.
Bolta Tha Tu Thehar Jatay The Lamhoon Ke Qadam.
Mera Iss Baat Pe Eman Hai Quraan Ki Qasam.
Larkharata Na Jo Kam-Zarf Nuseri Oss Dam.
Apne Hubdaron Ko Nabiyon Se Barha Detay Ali.
Aik Ik Shaks Ko Salman Bana Detay Ali.
Wohi Jibreel Hi Latay The Yeh Emaan Hai Mera.
Iss Rawish Par Bhi Zara Sochiye Aye Ahl-e-Wila.
Aagay Sidhra Se Farishta Yeh Nahi Ja Sakta.
Phir Yeh Quran Bhala Kis Ki Badolat Pohancha.
Nutaq ALLAH Ka Mula Mere Ban Jate They.
Jo Ali Kehtay The Jibreel Wohi Latay They.
Jis Ki Marzi Hai Muqadar Woh Sikandar Hai Ali.
Jis Se Sadar Hoye Masoom Woh Masdar Hai Ali.
Jis Ka Mehkoom Hai Kausar Woh Samandar Hai Ali.
Jo Hai Tauheed Ka Izhar Woh Mazhar Hai Ali.
Jo Bhi Pardah Shab-e-Mairaj Ka Sarkaye Ga.
Oss Ko ALLAH Nahi Haider Hi Nazar Aaye Ga.
Aye Azadaro Humein Phir Se Sambhalna Ho Ga.
Apne Kirdar Se Mahool Badalna Ho Ga.
Toor Kar Waqt Ki Zanjeer Nikalna Ho Ga.
Rah-e-Salman Pe Eman Se Chalna Ho Ga.
Hum Muhibon Pe Jo Wa Zulm Ka Darwaza Hai.
Yeh Ali Ko Na Samjhne Ka Hi Khamayaza Hai.
Madh-e-Haider Mein :TAKALLUM: Yeh Taqaiyya Kaisa.
Maslehat Kaisi Anna Kaisi Bahana Kaisa.
Our Waqt Ke Sath Aqeeday Ko Badalna Kaisa.
Maut Aani Hai Tu Phir Maut Se Khatra Kaisa.
Band Yeh Ishq Ka Darwaza Nahi Kar Sakta.
Our Main Ali Par Koi Samjhota Nahi Kar Sakta.
Poet: :Mir Takallum Mir:
Manqabat Khuwan: :Mir Hasan Mir:
Manqabat Volume: :Mir Hasan Mir 2012-13:
Composition: ::
#KarneDoMujheSaqieKausarKiSana
#ManqabatLyrics
#tajpoint
New Mnaqabat Karne Do Mujhe Saqi-e-Kausar Ki Sana
Karne Do Mujhe Saqi-e-Kausar Ki Sana Lyrics Urdu 2012 Write Up Poster Image
