Abbas Ka Alam Hai Qaumi Nishaan Hamara Lyrics 2019
Abbas Ka Alam Hai Qaumi Nishaan Hamara
Yeh Parcham-e-Nabi Hai Hum Ko Hai Jaan Se Pyara.
Parcham-e-Abbas Hi Parcham-e-Islam Hai.
Hamza Ne Murtaza Ne Jafar Ne Bhi Uthaya.
Abbas Tak Yeh Parcham Youn Hathon Hath Aaya.
Bazu Kata Ke Isko Abbas Ne Sanawra.
Do Tukrey Chand Kar De Panjay Mein Itna Dam Hai.
Tara Jahan Pe Utra Oss Ghar Ka Yeh Alam Hai.
Isski Bulandiyon Par Qurban Chand Tara.
Pabandi Sarhadon Ki Na Qaid Hai Zabaan Ki.
Bas Yeh Khasosiyaat Hai Abbas Ke Nishaan Ki.
Dunya Mein Yeh Alam Hai Mazloom Ka Sahara.
Sansoon Ki Door Isski Dori Se Hi Bandhi Hai.
Baab-e-Karam Yehi Hai Baab-e-Atta Yehi Hai.
Iss Se Murad Lene Aaye Jahan Sara.
Chodah 14 So Saal Se Hai Isski Yehi Kahani.
Yeh Fateh Ki Hai Aayat Yeh Jeet Ki Nishani.
Isko Uthane Wala Harey Ga Our Na Hara.
Islam Ka Yeh Parcham Allah Iss Ka Zamin.
Kab Se Utar Rahe Hain Sar Momino Ke Lekin.
Apne Gharon Se Hum Ne Parcham Nahi Utara.
Abbas Ka Yeh Parcham Ab Tak Laho Bhara Hai.
Zainab Se Yeh :TAKALLUM: Mehdi Tak Aa Gaya Hai.
Laein Gaye Sath Apne Qayam Issey Dobara.
Sir Chum Ke Dhi Masooma Da Shabir ne Wain Sunaya.
Alam Nu Seene La Bachari Ohh Tera Chacha Mur Na Aaya.
Alam Bhai Ka Laho Mein Bhara Utha Laye Jab Sheh-e-Karbala.
Qayamat Bapa Haram Mein Hoi Tarapne Lagin Nabi Zadiyaan.
Suni Jab Sakina Ne Gham Ki Khabar Tarap Kar Yeh Pocha Kahan Hain Chacha.
Kaha Shah-e-Deen Ne Mera Ghar Luta Sakina Tumhara Chacha Na Raha.
Awaz: Syed Meharban Ali
Bas Azadaro:
ALLAH Kissi Yateem Ko Pardais Mein Yeh Din Na Dikhaye.
Abbas Ki Yateemo Ne Jis Dam Khabar Suni.
Qadmo Mein Ibn-e-Zahra Ke Gir Ke Sada Yeh Di.
Zehmat Na Aap Kijiye Zinda Hain Hum Abhi.
Darya Pe Jaein Hum Jo Ijazat Ho Aapki.
Kamsin Hain Phir Bhi Wada Hai Khali Na Aaein Gaye.
Lasha Na Utha Sakay Ga To Bazu Uthaein Gaye.
Yateemo Ka Jab Suna Yeh Biyaan.
Tarapne Lagin Nabi Zadiyaan.
Yateemo Se Yeh Kaha Shah Ne.
Wasiyaat Yeh Thi Mere Bhai Ki.
Na Le Jana Khaimo Mein Lasha Mera.
Hai Pyason Se Sharminda Unka Chacha.
Yeh Keh Kar Alam Behan Ko Diya.
Taqaza Kare Na Koi Pyas Ka.
Alam Hi Janaza Hai Abbas Ka.
Sakina Tumhara Chacha Na Raha.
Poet: :Mir Takallum Mir:
Noha Khuwan: :Shahid Baltistani:
Noha Volume: :Shahid Baltistani 2019-20:
Composition: :Shahid Baltistani:
New Nohay Lyrics 1441 Hijri 2019
#NohayLyrics
#tajpoint
New Noha Abbas Ka Alam Hai Qaumi Nishaan Hamara
Abbas Ka Alam Hai Qaumi Nishaan Hamara Shahid Baltistani
Abbas Ka Alam Hai Qaumi Nishaan Hamara Lyrics 2019 Write Up Poster Image
