Bazoo Jo Nahi Hain Lyrics In Urdu 2019
Ro Ro Ke Behan Kehti Thi Kis Tarha Se Aaye Bazoo Jo Nahi Hain.
Abbas Ko Koi Na Sada De Ke Bulaye Bazoo Jo Nahi Hain.
Sar Choom Ke Kehti Thin Sakina Se Phophi Jaan.
Ab Koza Gira De Nahi Kuch Pani Ka Imkaan.
Kis Tarha Se Abbas Woh Mashkiza Uthaye Bazoo Jo Nahi Hain.
Rukhsaron Pe Kuch Neel Bane Jate Hain Lekin.
Ab Hath Sitamgar Ke Barhe Aate Hain Lekin.
Dur Chintey Howay Kaisay Sakina Ke Bachaye Bazoo Jo Nahi Hain.
Uth Kar Abhi Aa Jaye Ga Maula Ko Yaqeen Hai.
Yeh Soch Ke Lekin Woh Sada Deta Nahi Hai.
Humrah Mere Kaise Woh Akbar Ko Uthaye Bazoo Jo Nahi Hain.
Yeh Soch Ke Roti Rahi Be-Sheer Ki Madar.
Labaik Abhi Keh De Ga Abbas-e-Dilawar.
Kis Dil Se Kahon Dhond Ke Be-Sheer Ko Laye Bazoo Jo Nahi Hain.
Sahil Ki Taraf Dekh Ke Roti Rahi Zainab.
Kis Tarha Se Abbas Ko Yeh Bolti Zainab.
Shabir Ke Seene Se Sitamgar Ko Hataye Bazoo Jo Nahi Hain.
Naqoon Pe Haram Aate Hain Tasleem Ko Uthay.
Lasha Bhi Tarapta Hai Keh Tazeem Ko Uthay.
Aadab Baja Laye Tu Kis Tarha Se Laye Bazoo Jo Nahi Hain.
:AKBAR: Lab-e-Kausar Tha Ajab Pyas Ka Manzar.
Abbas Ka Sar Choom Ke Kehte They Yeh Haider.
Pani Bhi Tujhe Fatima Zahra Hi Pilaye Bazoo Jo Nahi Hain.
Poet: :Hasnain Akbar:
Noha KhuwaN: :Syed Wajhi Hasan Zaidi:
Noha Volume: :Syed Wajhi Hasan Zaidi 2019-20:
New Nohay Lyrics 1441 Hijri 2019
#NohayLyrics
#tajpoint
Bazoo Jo Nahi Hain Lyrics In Urdu 2019 Write Up Poster Image
