Batool Ro Parin Lyrics In Urdu 2020 Mir Hasan Mir
Batool Ro Parin.
Jo Dard Fatima Ne Ali Se Chupaye Hain.
Tanhai Mein Kaneez Ko Apni Sunaye Hain.
Batool Ro Parin Fizza Ko Yeh Batatay Hoye.
Hasan Ne Dekha Hai Mujh Ko Tamachay Khatay Hoye.
Na Jane Kya Kiya Zalim Ne Fatima Pe Sitam.
Zaeef Ho Gayi Beti Rasool Ki Ik Dam.
Sand Ke Tukron Ko Darbar Mein Uthatay Hoye.
Main Aaj Shehar-e-Madina Ko Hi Mita Doon Gi.
Agar Ali Ko Na Chora Tu Bad Dua Doon Gi.
Kaha Batool Ne Sar Se Rida Hatatay Hoye.
Jo Mujh Pe Guzri Hai Mujh Se Na Ho Sakay Gi Biyaan.
Woh Dekho Ab Bhi Hain Dewar Par Lahu Ke Nishaan.
Main Dekhti Hoon Inhein Roz Aate Jate Hoye.
Bataya Sab Ko Jo Mafhoom Hai Wilayat Ka.
Labhoon Pe Shikwa Na Bint-e-Rasool Ki Aaya.
Ali Ali Hi Kiya Taziyane Khatay Hoye.
Woh Mujh Se Chup Ke Meri Bekasi Pe Rota Hai.
Khiyal Rakhna Yeh Nazuk Mizaj Beta Hai.
Mere Janazay Se Shabeer Ko Hatatay Hoye.
Abu Al-Hasan Ko Tha Patkay Se Main Ne Thama Howa.
Magar Laeen Ne Durray Se Youn Mujhe Mara.
Zameen Pe Gar Gayi Fizza Main Larkharatay Hoye.
Baroz-e-Hashar Main Mehdi Ko Yeh Bataon Gi.
Tamam Pasliyaan Tooti Hain Iss Liye Meri.
Laeen Ne Mara Tha Thokar Se Aate Jate Hoye.
Mera Fareza Nibhaye Gi Ladli Meri.
Ghiray Ga Sholon Mein Jis Waqt Aik Our Ali.
Chaley Gi Aag Pe Zainab Ossay Bachatay Hoye.
Padar Ki Qabar Pe :AKBAR: Woh Ro Ke Kehti Thi.
Hifazat Aap Ne Mujh Ko Ali Ki Sonpi Thi.
Tamachay Main Ne Hain Khaye Unhein Bachatay Hoye.
Poet: :Hasnain Akbar:
Noha Khuwaan: :Mir Hasan Mir:
Composition: :Raza Shah:
#AyyameFatima
#NohayLyrics
#tajpoint
Batool Ro Parin Lyrics In Urdu 2020 Mir Hasan Mir Write Up Poster Image
