Munazra Lyrics In Urdu Mir Hasan Mir 2009
Munazra Lyrics In Urdu Mir Hasan Mir
Dosto Aao Sunaon Tum Ko Main Ik Waqiya.
Aik Din Majlis Se Apne Ghar Ki Janib Main Chala.
Rastay Mein Samna Waiz Se Mera Ho Gaya.
Hasb-e-Adat Tanziya Lehjay Mein Woh Kehne Laga.
Shirk Hai Ghair Khuda Par Ashk Barsana Suno.
Main Yeh Bola Baat Ab Meri Bhi Molana Suno.
Aadam-o-Hawa Ka Kya Betay Pe Rona Shirk Tha.
Hazrat-e-Yaqoob Ne Yousuf Pe Kyun Giriya Kiya.
Tu Agar Hai Ummati Sarkar Ka Tu Yeh Bata.
Hazrat-e-Hamza Pe Kyun Roye Muhammad Mustafa.
Ya Tu Ab Sarkar Se Tu Apna Rishta Toor De.
Ya Azadaron Pe Waiz Tanz Karna Chor De.
Kaat Kar Phir Baat Meri Yeh Kiya Oss Ne Sawal.
Kyun Madad Haider Se Letey Ho Bajaye Zuljalal.
Main Yeh Bola Apni Bosedah Kitabein Tu Khangal.
Unn Mein Mil Jaye Gi Tujh Ko Jang-e-Khaybar Ki Misal.
Tujh Pe Ho Jaye Ga Sabit Behas Yeh Bekar Hai.
Narah-e-Haider Lagana Sunat-e-Sarkar Hai.
Baton Baton Mein Jahalat Osski Jab Khulney Lagi.
Barhtey Barhtey Baat Zikar-e-Karbala Tak Aa Gayi.
Woh Yeh Bola Karbala Tu Jang Shehzadon Ki Thi.
Main Yeh Bola Karbala Hai Zindagi Islam Ki.
Tere Shehzaday Se Barh Kar Youn Mera Shabeer Hai.
Woh Sarapa Rijs Hai Yeh Waris-e-Tatheer Hai.
Munh Bana Kar Tilmila Kar Phir Chali Osski Zabaan.
Tu Hai Molai Tu Haider Ke Fazail Kar Biyaan.
Main Yeh Bola Iss Qadar Bardasht Hai Tujh Mein Kahan.
Soch Le Dil Par Tere Girney Lagein Gi Bijliyaan.
Teri Sehat Ke Liye Kafi Hai Yeh Ghaibi Pukar..
La Fata Illa Ali La Saif Illa Zulfiqar.
Baat Eman-e-Abu Talib Ki Oss Ne Chair Di.
Kufar Par Osske Mutabiq Guzari Unn Ki Zindagi.
Main Yeh Bola Phir Tu Yeh Tauheen Hai ALLAH Ki.
Parwarish Kafir Ke Ghar Sarkar Ki Hoti Rahi.
Aqad-e-Peygamber Parha Jis Ne Woh Insaan Kaun Hai.
Gar Abu Talib Hain Kafir Phir Musalmaan Kaun Hai.
Parh Ke Woh La Hool Aakhir Khud Hi Ghayab Ho Gaya.
Phir Mujhe Rota Hoye Maidan-e-Mehshar Mein Mila.
Muskura Kar Main Ne Pocha Khair Tu Hai Kya Howa.
Aah Bhar Kar Woh Yeh Bola Haye Main Mara Gaya.
Ab Yaqeen Aaya Gham-e-Sarwar Mein Rona Theek Tha.
Manta Hoon Main :TAKALLUM: Tera Kehna Theek Tha.
Poet: :Mir Takallum Mir:
Manqabat Khuwan: :Mir Hasan Mir:
Manqabat Volume: :Mir Hasan Mir 2009-10:
#ManqabatLyrics
#tajpoint
Munazra Lyrics In Urdu Mir Hasan Mir 2009 Write Up Poster Image
