Aaj Na Jao Baba Lyrics In Urdu Zain Ali Rizvi 2020
Aaj Na Jao Baba Lyrics In Urdu
Subh-e-Uneeswin Ramzaan Thi Ajab Manzar Tha.
Ghar Se Hone Lagay Rukhsat Jo Ali Shair-e-Khuda.
Apne Baba Ka Jo Tar Ashkon Se Chehra Dekha.
Haye Be Sakhta Zainab Ne Yeh Baba Se Kaha.
Jee Na Paein Gaye Humein Youn Na Rulao Baba.
Aik Ahsan Karo Aaj Na Jao Baba.
Hath Jis Tarha Se Rakha Hai Mere Sar Pe Abhi.
Main Ne Yeh Haal Tumhara Tu Nahi Dekha Kabhi.
Ab Na Yeh Hath Mere Sar Se Uthao Baba.
Baap Seene Se Lagaye Tu Sakoon Pati Hain.
Betiyaan Baap Ki Halat Ko Samajh Jati Hain.
Main Samajh Loon Gi Mujhe Seene Lagao Baba.
Kiya Hai Ashkon Ki Wajah Kuch Tu Bata Do Hum Ko.
Bant Lo Zainab-e-Kubra Se Tum Apne Gham Ko.
Dil Mein Jo Baat Hai Hum Se Na Chupao Baba.
Amma Zahra Ka Jo Gham Tha Woh Abhi Taza Hai.
Sab Mere Dard Ka Baba Tumhein Andaza Hai.
Apne Bachoon Ko Na Youn Chor Ke Jao Baba.
Hum Ko Deta Hai Qayamat Ka Ishara Daman.
Kyun Yeh Murgab Ne Jakra Hai Tumhara Daman.
Apne Daman Ko Na Iss Tarha Churao Baba.
Apni Zainab Se Chupatay Ho Kyun Aanso Apne.
Ab Chupaney Se Bhi Yeh Aanso Nahi Chup Saktay.
Hath Chehray Pe Jo Rakha Hai Hatao Baba.
Tum Hi Batlao Yeh Zainab Na Samajh Pati Hai.
Kyun Yeh Amma Ke Sisakney Ki Sada Aati Hai.
Kya Chupatay Ho Humein Kuch Tu Batao Baba.
Samne Aa Ja Mere Baba Younhi Baithay Raho.
Mein Tumhein Takti Rahon Tum Bhi Mujhe Taktay Raho.
Dekhtey Dekhtey Youn Sar Na Jhukao Baba.
:ZAIN-o-ZEESHAN: Woh Manzar Tha Qayamat Jaisa.
Jab Woh Rotay Hoye Beti Se Juda Baap Howa.
Beti Kehti Hi Rahi Laut Ke Aao Baba.
Poet: :Zeeshan Abidi:
Noha Khuwan: :Zain Ali Rizvi:
Composition: :Zain Ali Rizvi:
New Noha 21 Ramzan 2020 1441 Hijri Shahdat Imam Ali(AS)
#AajNaJaoBaba
#NohayLyrics
#tajpoint
21 Ramzan Noha Aaj Na Jao Baba Lyrics In Urdu
Aaj Na Jao Baba Lyrics In Urdu Zain Ali Rizvi 2020 Write Up Poster Image
