Abbas Na Jao Ruk Jao Syed Raza Abbas Zaidi Lyrics Urdu 2024
Abbas Na Jao Ruk Jao Syed Raza Abbas Zaidi.
Jab Ran Ko Chaley Khaimay Se Abbas-e-Dilawar.
Sab Bibiyaan Lipati Thin Sanbhalay Hoye Chadar.
Hathoon Se Kamar Tham Ke Pas Aaye Jo Sarwar.
Bosa Liya Abbas Ke Shano Ka Yeh Keh Kar.
Tum Jaisa Baradar Main Kahan Paon Ga Bhai.
Tum Laut Ke Na Aaye Tu Mar Jaon Ga Bhai.
Seene Se Laga Kar Sheh Ne Kaha Abbas Na Jao Ruk Jao.
Aye Bhai Na Jao Na Jao Ruk Jao.
Koi Bhi Nahi Hai Ab Mera Abbas Na Jao Ruk Jao.
Aye Bhai Na Jao Na Jao Ruk Jao.
Bolo Tu Sakina Ko Main Samjha Doon Ga Abbas.
Mashkeza Mujhe Dedo Main Loota Doon Ga Abbas.
Shikwa Na Karey Gi Pani Ka.
Rakh De Gi Woh Hathoon Se Koza.
Woh Kehna Nahi Talay Gi Mera Abbas Na Jao Ruk Jao.
Aye Bhai Na Jao Ruk Jao.
Thehro Keh Tumhein De Loon Main Jeene Ki Duaein.
Tum Mar Gaye Tu Kaun Bachaye Ga Ridaein.
Dharas Hai Tumhi Se Zainab Ko.
Ja Ja Ke Batati Hai Sab Ko.
Zindah Hai Abhi Ghazi Mera Abbas Na Jao Ruk Jao.
Aye Bhai Na Jao Ruk Jao.
Maidan Mein Kaisay Main Tumhein Jane Doon Bolo.
Akbar Ki Tarha Pala Hai Iss Bhai Ne Tum Ko.
Jo Ran Ko Gaya Woh Na Aaya.
Tum Bhi Na Agar Aaye Bhaiyya.
Main Kaisay Uthaon Ga Lasha Abbas Na Jao Ruk Jao.
Aye Bhai Na Jao Ruk Jao.
Ruktay Hi Na They Zainab-o-Kulsoom Ke Aanso.
Jab Sheh Ne Kaha Chom Ke Abbas Ke Bazu.
Yeh Shaney Qalam Na Ho Jaein.
Be Aasra Hum Na Ho Jaein.
Yeh Bazu Sahara Hain Sab Ka Abbas Na Jao Ruk Jao.
Aye Bhai Na Jao Ruk Jao.
Woh Kofa Woh Zarbat Main Kahan Bhola Hoon Abbas.
Tum Aakhri Baba Ki Nishani Ho Marey Pas.
Yaad Aati Hai Jab Bhi Baba Ki.
Main Dekhta Hoon Tum Ko Ghazi.
Zakhmi Na Ho Baba Ka Chehra Abbas Na Jao Ruk Jao.
Aye Bhai Na Jao Ruk Jao.
Behnein Na Mere Sath Agar Hotin Alamdar.
Khud Tum Ko Larai Ke Liye Karta Main Teyar.
Yaan Waar Karo Gay Tum Jitnay.
Har Waar Ka Teri Behno Se.
Bazar Mein Lein Gay Woh Badlah Abbas Na Jao Ruk Jao.
Aye Bhai Na Jao Ruk Jao.
:ZEESHAN:-o-:RAZA: Kaisa Tha Rukhsat Ka Woh Manzar.
Bhai Ke Qadam Chom Ke Mashkeza Utha Kar.
Abbas Jo Khaimon Se Niklay.
Girtin Thin Ridaein Khud Sar Se.
Our Kehte Rahe Shah-e-Wala Abbas Na Jao Ruk Jao.
Aye Bhai Na Jao Na Jao Ruk Jao.
Poet: :Zeeshan Abidi:
Noha Khuwan: :Syed Raza Abbas Zaidi:
Noha Volum: :Syed Raza Abbas Zaidi 2024-25:
Composition: :Syed Raza Abbas Zaidi:
#AbbasNaJao
#NohayLyrics
#tajpoint
New Noha Abbas Na Jao Ruk Jao Syed Raza Abbas Zaidi
Mola Ghazi Abbas Alamdar Noha Abbas Na Jao Ruk Jao Syed Raza Abbas Zaidi
Abbas Na Jao Ruk Jao Syed Raza Abbas Zaidi Lyrics Urdu 2024 Write Up Poster Image
