Meri Sakina Ko Neend Aa Rahi Hai Lyrics In Urdu 2010

Meri Sakina Ko Neend Aa Rahi Hai Lyrics In Urdu 2010

Meri Sakina Ko Neend Aa Rahi Hai Lyrics

Bano Yeh Abid Ko Batla Rahi Hai.
Meri Sakina Ko Neend Aa Rahi Hai.

Keh Do Hawaon Se Aahista Aaein.
Keh Do Parindon Se Gul Na Machaein.
Kehdo Andheron Se Wapis Na Jaein.
Jagi Hoi Chain Kuch Pa Rahi Hai.

Shayad Rasan Ki Aziyat Hoi Kam.
Madhum Karo Bibiyo Shor-e-Matam.
Sajjad Zanjeer Bolein Na Iss Dam.
Shayad Ghamo Ki Ghari Ja Rahi Hai.

Zindaan Ka Dar Zoor Se Ab Na Kholo.
Aye Pehrey Daro Ab Aahista Bolo.
Tum Bhi Tu Jagay Ho Kuch Dair So Lo.
Baba Ki Khushbo Issay Aa Rahi Hai.

Keh Ab Dharkan-e-Dil Bhi Iss Pe Garaan Hai.
Na Bhai Hai Nazdeek Na Iss Ke Maa Hai.
Kano Se Khoon Go Keh Ab Bhi Rawaan Hai.
Magar Aankh Bojhal Yeh Samjha Rahi Hai.

Yeh Sham-e-Ghareebaan Ki Jagi Hoi Hai.
Tamachon Ke Dar Se Nahi So Saki Hai.
Zara Ab Galay Se Rasan Jo Khuli Hai.
Sakoon Se Jo Ab Sans Le Pa Rahi Hai.

Main Khush Hoon Ke Soye Gi Meri Dulari.
Main Qurban Iss Ke Main Ab Iss Ke Wari.
Bohat Sah Chuki Dukh Yeh Ghazi Ki Pyari.
Magar Nabz Kuch Our Batla Rahi Hai.

Magar Yeh Howa Kiya Ke Zindan Roya.
Badan Rooh Ke Sath Bachi Ka Soya.
Na Jagi Woh Abid Ne Shana Hilaya.
Our Ab Maa Yeh Kehte Bhi Sharma Rahi Hai.

Kahan Tak Likhon Ga Main :REHAN: Noha.
Kabhi Sham Jaon Tu Dekhon Woh Roza.
Jahan Qaidi Bachi Ka Marqad Hai Tanha.
Jahan Maa Abhi Bhi Kahey Ja Rahi Hai.

Poet: :Rehan Azmi:
Noha Khuwan: :Syed Raza Abbas Zaidi:
Noha Volume: :Syed Raza Abbas Zaidi 2009-10:

#NohayLyrics
#tajpoint

Meri Sakina Ko Neend Aa Rahi Hai Lyrics Urdu

Meri Sakina Ko Neend Aa Rahi Hai Lyrics In Urdu 2010 Write Up Poster Image

Meri Sakina Ko Neend Aa Rahi Hai Lyrics In Urdu 2010

Video Link